(က) ဘုရားသခင်ကိုချစ်ရမည် (Love Him supremely)
(လုကာ ၁၀း၂၇၊ ၁ယော ၄း၁၉၊ ၁ကော၁၆း၂၂၊ ဧဖက် ၆း၂၄၊ ၁ပေ ၁း၈-၉)
ထာဝရဘုရားကို စိတ်နှလုံး အကြွင်းမဲ့၊ အစွမ်းသတ္တိရှိသမျှ၊ ဥာဏ်ရှိသမျှနှင့် ချစ်ရမည်။ ထို ဘုရား သခင်သည် ကျွန်ုပ်တို့ကို ဦးစွာချစ်တော်မူသောကြောင့် ကျွန်ုပ်တို့သည် ဘုရားသခင်ကို ချစ်ရမည်။ အကြင်သူသည် သခင်ယေရှုခရစ်ကို မချစ်၊ ထိုသူသည် ယေရှုခရစ် တစ်ဖန်ကြွလာသောအခါ အပြစ်စီရင် ခြင်းကိုခံရမည်။ ယေရှုခရစ်ကို အမှန်ချစ်သော သူတို့သည် ကောင်းချီးမင်္ဂလာကို ခံစားရမည်။ ဘုရားသခင်ကို မမြင်ဘူး၊ မမြင်ဘဲလျက် ယုံကြည်သောအားဖြင့် စိတ်ဝိညာဉ်သည် ကယ်တင်ခြင်းတည်း ဟူသော ယုံကြည်ခြင်း၏ အကျိုးကို ခံရမည် ဖြစ်သည်။
(ခ) ဘုရားသခင်ကို ကြောက်ရွံရမည်။ (Fear Him)
(သုတ္တံ ၉း၁၀၊ ၁း၇၊ ဟေရှာယ ၈း၁၃၊ ဆာလံ ၃၃း၈၊ သုတ္တံ ၂၃း၁၇၊ ဆာလံ ၈၉း၇၊ ဟေရှာယ ၁၂း၂၈)
ထာဝရဘုရားကို ကြောက်ရွံသော သဘော သည် ပညာ၏မူလအမြစ်၊ ပညာ၏ အချုပ်အခြာ ဖြစ်သည်။ လောကီနိုင်ငံသား အပေါင်းအနေဖြင့် ထာဝရဘုရားကို ကြောက်ရွံရိုသေ ရမည်။ ထာဝရဘုရားသည် လူအပေါင်းတို့ထက် ရိုသေဖွယ်ရာ ဖြစ်သည်။ ထာဝရဘုရားကို ကြောက်ရွံရိုသေပါက တည်မြဲသော နိုင်ငံကို ရမည်ဖြစ်သည်။
(ဂ) ဘုရားသခင်၏ စကားကို နားထောင်ရမည်။ (Obey Him)
(ဒေသနာ ၁၂း၁၃၊ ယေရမိ ၇း၂၁၊ တရားဟော ၁၁း၁၊ တမန် ၃း၂၂-၂၃၊ ရောမ ၁၄း၇-၈)
ဘုရားသခင်ကို ကြောက်ရွံ၍ ပညတ်တော်တို့ကို စောင့်ရှောက်ရမည်။ ဤကားလူနှင့် ဆိုင်သော အမှုအရာအလုံးစုံ တို့၏ အချုပ်အခြာ ဖြစ်သည်။ ထာဝရဘုရားက ငါ့စကားကို နားထောင်ကြလော့။ သို့ပြုလျှင် ငါသည် သင်တို့၏ ဘုရားသခင်ဖြစ်မည်။ သင်တို့သည်လည်း ငါ၏ လူမျိုး ဖြစ်ကြလိမ့်မည်။ သင်တို့သည် ကိုယ့်အကျိုးကို စောင့်လိုသောငှာ ငါမှထားသမျှသော တရားလမ်းသို့ လိုက်ကြရမည်ဟု မိန့်တော်မူသည်။ သို့ဖြစ်၍ သင်သည်သင်၏ဘုရားသခင် ထာဝရဘုရားကို ချစ်ရမည်။ စီရင်ထုံးဖွဲ့တော်မူချက်၊ မှာထားတော်မူသော ပညတ်တော်တို့ကို အစဉ်စောင့်ရှောက်ရမည်။ ပရောဖက်တို့ ဟောပြောသော စကားကို နားထောင်ရမည်။ နားမထောင်သောသူသည် မိမိအမျိုးထဲမှ ပယ်ရှင်းခြင်း ခံရမည်ဖြစ်သည်။ ကျွန်ုပ်တို့သည် ကိုယ့်အဖို့အလို့ငှာ မသေ၊ ကိုယ့်အဖို့အလို့ငှာ မရှင်၊ သေသည်ဖြစ်စေ၊ ရှင်သည်ဖြစ်စေ၊ ဘုရားသခင်နှင့်သာ ဆိုင်သည်။ ထိုကြောင့် ဘုရားသခင်၏ စကားကို နားထောင်ရမည်။
(ဃ) ဘုရားသခင်ကို ခိုလှုံရမည် (Trust Him)
(ဟေရှာယ ၂၆း၃-၄၊ သုတ္တံ ၃း၅-၆၊ ဆာလံ ၁၁၈း၈-၉၊ ယေရမိ ၁၇း၅-၈၊ မဿဲ ၄း၁၀)
ထာဝရဘုရား၌ အစဉ်အမြဲ ခိုလှုံရမည်။ ထာဝရဘုရားသည် နိစထာဝရ ခိုလှုံရာဖြစ်သည်။ ကိုယ်တော်ကို ခိုလှုံသောကြောင့် ငြိမ်သက်ခြင်း ရှိမည်။ စောင့်ရှောက်ခြင်းလည်း ခံရမည်။ ထို့အပြင် ထာဝရဘုရားကို စိတ်နှလုံးအကြွင်းမဲ့ ကိုးစားရမည်။ ကိုယ့်ဥာဏ်ကို အမှီမပြုဘဲ သွားလေရာရာ၌ ထာဝရ ဘုရားကို မျက်မှောက်ပြုရမည်။ သို့ပြုလျှင် သင်၏လမ်းခရီးကို ပဲ့ပြင်တော်မူမည်။ ထာဝရဘုရား၌ ခိုလှုံခြင်း သည် လူကိုကိုးစားခြင်း၊ မင်းကို ကိုးစားခြင်းထက် ကောင်းသည်။ ထာဝရဘုရားကို မခိုလှုံသူသည် လွင်ပြင်၌ ရှိသော သစ်ပင်ခြောက်ကဲ့သို့ ဖြစ်၍ ထာဝရဘုရားကို ခိုလှုံသောသူသည် အရွက်မညှိုးနွမ်း၊ အသီးသီးသော အပင်နှင့် တူမည်ဖြစ်သည်။ သို့ဖြစ်၍ ၀ါကြွားသောသူ မည်သည်ကား ဘုရားသခင်ကို အမှီပြု၍သာ ၀ါကြွားရမည်။
(င) ဘုရားသခင်ကို ကိုးကွယ်ရမည် (Worship Him)
(မဿဲ ၄း၁၀၊ ထွက် ၂၀း၃-၅၊ ဆာလံ ၂၉း၂၊ ယောဟန် ၄း၂၄၊ ဗျာဒိတ် ၁၅း၎)
ထာဝရဘုရား က ငါမှတစ်ပါးသော အခြားဘုရားကို မကိုးကွယ်နှင့်။ အထက် မိုး ကောင်းကင် အောက်ရပ်မြေကြီး မြေအောက်ရေထဲ၌ ရှိသော အရာများနှင့် ပုံသဏ္ဍာန်တူအောင် ရုပ်တု ဆင်းတုကို ကိုယ့်အဖို့မလုပ်နှင့်။ ဦးမချ ၀တ်မပြုနှင့် ဟု မိန့်တော်မူသည်။ ထာဝရဘုရား၏ နာမတော်သည် ဘုန်းကြီးတော်မူသည်ဟု ဝန်ခံလျက် သန့်ရှင်းသောတန်ဆာကို ဆင်၍ ထာဝရဘုရားကို ကိုးကွယ်ရမည်။ ဘုရားသခင်သည် နာမ်ဝိညာဉ် ဖြစ်တော်မူ၏။ ဘုရားသခင်ကို ကိုးကွယ်သော သူတို့သည် နာမ်ဝိညာဉ် အားဖြင့် လည်းကောင်း၊ သမ္မာတရား အားဖြင့်လည်းကကောင်း၊ ကိုးကွယ်ရမည်။ ထာဝရဘုရား တရားသဖြင့် စီရင်တော်မူခြင်း အရာတို့သည် ထင်ရှားသည်ဖြစ်၍ လူမျိုးအပေါင်းတို့သည် လာ၍ ရှေ့တော်၍ ကိုးကွယ်ကြပါ လိမ့်မည်။
(စ) ဘုရားသခင်၏ ဂုဏ်တော်ကို ထင်ရှားစေမည်။ ( Glorify Him)
(၁ကော ၆း၂၁၊ ၁၀း၃၁၊ မဿဲ ၅း၁၆၊ ယောဟန် ၁၅း၈)
သင်တို့သည် အဖိုးနှင့် ၀ယ်ယူတော်မူသောသူ ဖြစ်သောကြောင့် မိမိကိုယ်ခန္ဓာအားဖြင့် ဘုရား သခင် ဂုဏ်တော်ကို ထင်ရှားစေရမည်။ စားသော်လည်းကောင်း၊ သောက်သော်လည်းကောင်း၊ မည်သည့် အမှုကို ပြုသော်လည်းကောင်း၊ ဘုရားသခင် ဘုန်းတော်ထောက်၍ ခပ်သိမ်းသော အမှုကိစ္စကို ပြုရမည်။ သူတစ်ပါးတို့သည် သင်တို့၏ ကောင်းသောအကျင့်ကို မြင်၍ ကောင်းကင်ဘုံ၌ ရှိတော်မူသော သင်တုိ့အဖ ၏ဂုဏ်တော်ကို ချီးမွမ်းစေခြင်းငှာ သူတို့ရှေ့၌ သင်တို့၏အလင်းကို လင်းစေရမည်။ ယေရှုက သင်တို့သည် များသောအသီးကို သီးသောအားဖြင့် ငါ၏ ခမည်းတော်သည် ဘုန်းတော်ထင်ရှားတော်မူ၍ သင်တို့သည် လည်း ငါ၏တပည့် မှန်ကြလိမ့်မည် ဟုမိန့်တော်မူသည်။
ခင်သန္တာလွင် ပြုစုသည်။
No comments:
Post a Comment