မြန်မာဓမ္မသီချင်းများ၏ရာဇ၀င်

                 နှစ်ခြင်းသာသနာ မြန်မာပြည်သို့ရောက်လာခါစတွင် ဓမ္မသီချင်းများကို အသုံးမပြုကြပေ။ ဆရာ ယုဒသန်ဦးဆောင်သော သာသနာပြုသူတုိ့၏ လက်ထဲတွင် မြန်မာဘာသာ ဓမ္မသီချင်းများမရှိနိုင် သည့်အပြင် ဆရာယုဒသန်သည် ကိုယ်တိုင်ကလည်း သီချင်းကို အသံအနေအသံထားနှင့် သီဆိုသင်ကြားပေးဖို့ အားနည်းနေသောကြောင့်ဟု ဆိုပါသည်။

               တချို့ကတော့ ဆရာယုဒသန်သည် အသံမတည့်၊ သီချင်းမဆိုတတ်ဟု ပြောကြပါသည်။ မြန်မာ လူမျိုးကလည်း ဘုရားရှိခိုးရာတွင် သီချင်းမဆိုသင့် ....... ဟု အယူသည်း အစွဲကြီးကျန်နေတာကိုလည်း ဖြစ်နိုင်ပါသည်။ ထိုအယူသည်းမှုသည် မြန်မာပြည်မှာသာမက အင်္ဂလန်မှာလည်း ရှိခဲ့ဖူးသဖြင့် အင်္ဂလိပ်တို့ သည် ဆာလံသီချင်းကိုသာ အချိန်ကြာမြင့်စွာ သီဆိုခဲ့ကြရသည်ဟု ဆိုပါသည်။

                ၁၈၆၉ခုနှစ် မှတ်တမ်းတစ်စောင်တွင် ဆရာကြီးမေဆင် Rev. Francis Mason မော်လမြို့သို့ ဆိုက်ရောက်လာခါစ အချိန်တွင် ခရစ်ယာန်တပည့်တော်များ၊ မြန်မာ၊ ကရင်တို့သည် ဓမ္မသီချင်းမဆိုဘဲ ဘုရားရှိခိုးလျှင် အစတွင်ပင် ........ “သုံးပါးပေါင်း တစ်ဆူတည်းဖြစ်တော်မူ သော ခမည်းတော်၊ သားတော်၊ သန့်ရှင်းသော ၀ိညာဉ်တော် ဘုရားကို ရှိခိုးပါ၏”  ဟူ၍ ရွတ်ဆိုကြသည်ဟု ဆိုသည်။ ဤအစီအစဉ်ကို ဆရာယုဒသန်က စီမံခဲ့ပြီးနောက် တဖြည်းဖြည်းဓမ္မသီချင်းဆိုသော အလေ့အကျင့်ကို တည်ဆောက်ယူ ခဲ့ရသည်ဟု ဆိုပါသည်။

              ဓမ္မသီချင်းကို သီဆိုခြင်းအမှုသည် ဆရာကတ္တားနှင့် ဆရာဟင်းကောက်တို့၏ မိသားစုများ ရောက်လာမှ ပို၍ဖွံ့ဖြိုး လာသည်။ ထိုဆရာတို့၏ ဇနီးသည်တို့သည် အလွန်သီချင်းဆိုတတ်၍ အသံလည်း ကောင်းသည်။ ၀ါသနာပါ၍ သူတပါးကိုလည်း သင်ကြားပေးဖို့ စေတနာရှိသည်။ သူတို့၏ ကြိုးစားမှုဖြင့် မြန်မာဓမ္မသီချင်း၏ သြဇာသည် ယုံကြည်သူများအပေါ်လွှမ်းမိုး၍ သီချင်းအားဖြင့် ဂုဏ်တော်ချီးမွမ်းဖို့ရန် အတွက် ပျော်မွေ့နှစ်သက်လာကြသည်။ 

               မြန်မာဓမ္မသီချင်းကို ဆရာယုဒသန်ကပင် စ၍ ရေးဖွဲ့လေသည်။ သူရေးခဲ့သောဓမ္မသီချင်းများမှာ

(၁)       ရွှေပြည်ကောင်းကင်စံလိုချင်လေ (၃၈၄)

(၂)      မိတ်ဆွေကျွမ်းဝင်သင်္ချိုင်းတွင်းဝယ်    (၃၆၈)

(၃)     ကောင်းကင်ဘုံဝယ် အဘဘုရား     (၁၈၇) တို့ဖြစ်သည်။

             ဆရာကြီးယုဒသန် (Rev. Adoniram Judson, 1788- 1850) သည် မြန်မာပြည်နှစ်ခြင်း သာသနာ၏ ဆရာကြီး ဖြစ်သကဲ့သို့ မြန်မာသီချင်းကိုလည်း မိမိတတ်စွမ်းသမျှ စီမံပုံစံချခဲ့သူဖြစ်သည်။ အမှန်တွင်သီချင်း အများအပြားကို ရေးခဲ့သော်လည်း ဖော်ပြပါ (၃)ပုဒ် သာလျှင် ဓမ္မသီချင်းစာအုပ်၌ စာရင်းဝင်လေသည်။ မှတ်တမ်းပြုရမည်မှာ “ရွှေပြည်ကောင်းကင် စံလိုချင်လေ” သည် ပထမဦးဆုံးသော မြန်မာဓမ္မသီချင်း ဖြစ်ပါသည်။

             ဆရာယုဒသန်၏ဇနီးသည် (ဒုတိယမြောက်အိမ်ထောင်) မမစာရာ Mrs. Sarah Boardman Judson သည် ဆရာ့ကို ကူညီရင်း သီချင်း(၁၅)ပုဒ် ရေးသားခဲ့သည်။ဆရာ၏ နောက်ဆုံးသောဇနီးသည် အယ်မလီယုဒသန် Mrs. Emily C Judson သည် ပင်ကိုယ်က အနုပညာသမား ထင်ရှားသော ကဗျာဆရာမကြီး ဖြစ်သော်လည်း မြန်မာသီချင်း တစ်ပုဒ်တည်းသာ ရေးခဲ့သည်ဟု ဆိုပါသည်။

            မြန်မာဓမ္မသီချင်း(၈၉) ပုဒ် တိတိရေးခဲ့သူမှာ ..... ဆရာကြီးစတီဗင် Rev. E. A. Steven 1814- 1886 ဖြစ်ပါသည်။ ဆရာယုဒသန်၏ မပြီးဆုံးသေးသော လုပ်ငန်းများ ဖြစ်သည်။

(၁)   မြန်မာ- အင်္ဂလိပ် အဘိဓာန် ပုံနှိပ်ထုတ်ဝေရန်

(၂)   လစဉ် မြန်မာ့တမန်မဂ္ဂဇင်း ပုံနှိပ်ထုတ်ဝေရန်

(၃)   သာသနာသမိုင်း စာအုပ်ပြုစုရေး

(၄)  သမ္မာကျမ်းစာ အဘိဓာန် ပြုစုပုံနှိပ်ထုတ်ဝေရေး

(၅)   သမ္မာကျမ်းစာ အနက်ဖွင့်ကျမ်းများ ရေးသားပုံနှိပ်ထုတ်ဝေရေး .....  စသည့် လုပ်ငန်းများကို လုပ်ကိုင်ရင်း .... ဆရာယုဒသန်၏ စီမံချက် “မြန်မာဓမ္မသီချင်း” များကို ဆက်လက်ဘာသာပြန်ဆို ခဲ့သောသူ ဖြစ်ပါသည်။ ၁၈၃၇ ခုနှစ်တွင် မြန်မာပြည်သို့ရောက်လာကာ ၄၉နှစ် အမှုတော်ဆောင် ခဲ့ပါသည်။ ဤဆရာ၏ လုပ်ငန်းတာဝန်များကို ရေတွက်ကြည့်သောအခါ နှောင်းလူဓမ္မဆရာများ အံ့အားသင့်ရပါသည်။

               အလုပ်များသောကြောင့် ဆရာသည် သူ၏သားကို ပြည်မြို့တွင် ၁၈၃၈ခု၊ ဒီဇင်ဘာလ ၁၇ ရက် တွင် မွေးဖွားခဲ့ပါသည်။ ဆရာ၏သား စတီဗင်သည် ဆရာ့ခြေရာကိုနင်းလျက် မြန်မာဓမ္မသီချင်း ၅၈ပုဒ်ကို ရေးသားခဲ့ရာ ....... မြန်မာဓမ္မသီချင်းစာအုပ်၌ ၃၄ပုဒ် စာရင်းဝင်လေသည်။ သာသနာပြုဆရာကြီး ဟက်စ်ဝဲလ် Rev. J. M. Haswell ၏သား Rev. James. R. Heswell 1836- 1877 သည် ကျိုက္ခမီ၌ မွေးဖွားသည်။ သူသည်လည်း မြန်မာဓမ္မသီချင်း အများအပြားကို ရေးသားခဲ့သည်ဟု အဆိုရှိလေသည်။

           “အင်းဝ” ဆိုသော နာမည်ဝှက် (ကလောင်အမည်) ဖြင့် ရေးသားသော သီချင်းများ ရှိသေးသည်။ ဆရာကင်းကိတ်၊ ဆရာစတိလ်စံနှင့် ဇနီး၊ ဆရာစိုင်မွန်နှင့် ဇနီးတို့သည် ၁၈၃၆-၃၇ ခုနှစ်က အင်းဝမြို့တွင် နေထိုင်လျက် ရေးသောသီချင်းများ ဖြစ်ပါသည်။ သူတို့နေခဲ့သော နေရာကို အမှတ်ရအံ့သောငှာ “အင်းဝ” ဟု အမည်ပေးထားခြင်း ဖြစ်လေသည်။ “အင်းဝ” အမည်ဖြင့် သီချင်း အပုဒ် ၃၀ ခန့်ရှိသော်လည်း ဓမ္မသီချင်း စာအုပ်တွင် ၃ပုဒ်သာ စာရင်းဝင်လေသည်။

           ပြင်သစ်နွယ် ယူရေးရှန်လူမျိုး ဘင်ဂျမင် Bemjamin Le Geosis က သီချင်း ၃ပုဒ် ရေးသားခဲ့ဖူး ပါသည်။ မွန်တိုင်းရင်းသား ပဲခူးဇာတိဖြစ်သူ ဦးအောင်မင်း ၁၈၀၃- ၁၈၇၈ သည် မမ၀ိဒ် Mrs Wade ၏ တရားဟောချက်ကြောင့် ပြောင်းလဲခဲ့ပြီးနောက် ဓမ္မသီချင်း ၁၄ပုဒ် ရေးသားခဲ့ပါသည်။ ဆရာဘရောင်း Rev. N. Brown သည် မြန်မာပြည်သို့ ထွက်လာခဲ့ပြီး၊ မော်လမြိုင်တွင် အနေကြာသွားသည့် အခိုက် မြန်မာဓမ္မသီချင်းကို ရေးသားခဲ့ပါသည်။ ဆရာအင်္ဂလာ Rev. Lovell Ingalli သည်လည်း သီချင်းအနည်း အပါးကို ရေးသားခဲ့ဟန် ရှိပါသည်။

            မြန်မာဓမ္မသီချင်းများကို ရေးသားရာတွင် နာမည်ကျော်သူ တေးပြုစာဆိုကတော့ .... ဆရာ အဆောင်း၊ ၁၈၆၃၊ ဇူလိုင်လ ၁၂ရက်တွင် ဖွားမြင်သူဖြစ်သည်။ ခရစ်ယာန်ကနဦး ယုံကြည်သူ ဦးကူး(ခေါ်) အ၀မ်း၏သား မော်လမြိုင်ဇာတိ ဖြစ်လျက် ဓမ္မသီချင်း ၂၁၃ပုဒ်ကို ဘာသာပြန်ဆိုခဲ့သူ ဖြစ်ပါသည်။ ဤဆရာ၏ ကျေးဇူးကြောင့် တန်းဝင်၊ စံမှီ ခွန်အားဖြည့်သော ဓမ္မသီချင်း အများအပြားကို ကျွန်တော်တို့ ရရှိခဲ့ခြင်း ဖြစ်ပါသည်။

              ဆရာအဆောင်း၏ အစ်ကိုရင်း ဆရာအစယူး ၁၈၆၁ခု မေလ ၂၁ရက် ဖွားမြင်သူသည်လည်း ဓမ္မသီချင်း ၅ပုဒ်ကို ရေးသားခဲ့ပါသည်။ ကိတ်အက်ဗင် Miss Kate F. Evans ကလည်း သီချင်းများကို ရေးခဲ့ပါသည်။ သို့သော် ဓမ္မသီချင်းစာအုပ်၌ စာရင်းမ၀င်၊ ဧ၀ံဂေလိသီချင်းအဖြစ် မြန်မာ့တမန် စာစောင်တွင် ဖော်ပြခဲ့ပါသည်။

           ဆရာကြီးဟက်စ်ဝဲလ် Rev. J. M. Haswell 1810- 1876 သည် မြန်မာဓမ္မသီချင်း ၁၃ပုဒ် ကိုလည်းကောင်း၊ ဆရာစတီလ်စံ Rev. Lyman Stilson 1805- 1851 သည် မြန်မာဓမ္မသီချင်း ၁၀ပုဒ် ကိုလည်းကောင်း၊ ဆရာမ ကယ်ရိုလင်းဆိုင်မွန် Mrs. Caroline J. Simon 1811-1834 သည် မြန်မာ ဓမ္မသီချင်း အချို့ (အလွန်ကောင်းသောသီချင်းများ အနည်းငယ်) ကိုလည်းကောင်း၊ ဆရာဝိဒ် Rev. J. Wade 1789- 1878 သည် မြန်မာဓမ္မသီချင်း ၁၁ပုဒ်ကိုလည်းကောင်း အသီးသီး ရေးသားခဲ့ကြပါသည်။

           ဆရာကရောလည်း A.R.R Crawley 1831- 1876 နှင့်ဇနီး Mrs. Laura Crawley တို့ကလည်း ဓမ္မသီချင်း အနည်းအပါးကို ပြုစုခဲ့လေသည်။ သူတို့ကဲ့သို့ပင် မြန်မာသီချင်းပုဒ်ရေ အနည်းအပါးကို ရေးသား ခဲ့ကြသော သူများဖြစ်သော ......

(၁)   မမဗေလီ   Mrs. Rosa Adams Balley   1843- 1879

(၂)   ဆရာဘဲနက်   Rev. Gephas Bennett    1804- 1885

(၃)   မမစတိဗင်   Mrs. Harriet C Steuem   1841

(၄)   လောင်းစဒေး   Mrs. A. W. Lomsdale

(၅)   မမမိုးဇက်တေလာ   Mrs. Moses Taylor    1853- 1877

(၆)   ဆရာမေဆင်   Rev. Francis Manson   ကရင်ကျမ်းစာကို ဘာသာပြန်သူ ၁၈၇၄ခု မတ်လ (၃)ရက် တွင်ကွယ်လွန်သူ

(၇)   မမဖိနည်   Miss. H. Phinney    သီချင်း (၆)ပုဒ် ရေးခဲ့သူ

(၈)   ဆရာအယ်လင်   Mr. T. Allen

(၉)   ဆရာမက္ကတစ်   Mr.  S.M. Mackertireh 

(၁၀)   ဆရာအဲဗလက်   Rev. F. H. Eveleth;   1834 မွေးဖွားသူ၊ ၁၉၀၆ခုနှစ်တွင် ခရစ်ယာန်သီသြလိုဂျီ ကျမ်းကို မြန်မဘာသာပြန်ခဲ့၊ သီချင်း ၂ပုဒ် ရေးခဲ့သူ

(၁၁)   ဆရာသောမ   Rev. W.F. Thomas

(၁၂)   ဒေါ်စောမြိုင်၊ဒေါ်ကင်းမေ၊ ဒေါ်အေးတင်၊ ဒေါ်နု၊ မမတီလ်နှင့် မမဘော့နီ   (၁၉၃၁  မိုးကုတ်မြို့ နွေရာသီ အပန်းဖြေစခန်းမှ .......)

(၁၃)   ဆရာကြီးဦးဘဟန်နှင့် ဆရာမကြီးဒေါ်အေးမြင့်(သုံးဆယ်)

(၁၄)   ပါမောက္ခ ဦးခင်မောင်ဒင်   (သီချင်းနံပါတ်  ၁၃၆/က)

(၁၅)   ဆရာကြီးဦးချစ်ညီ  (သီချင်းနံပါတ် ၃၁၇/က)

(၁၆)   ဆရာမကြီး ဒေါ်နှစ်   (သီချင်းနံပါတ် ၃၀)

(၁၇)   ဆရာကြီးဦးမောင်ဦး (ရွှေဦး)က သီချင်း ၁၀ပုဒ်ကို လည်းကောင်း၊ အသီးသီးပြုစု ရေးဖွဲ့စုရုံး ခဲ့ကြသဖြင့် ယခုအခါ စုံလင်သော ဓမ္မသီချင်းပုဒ်ရေ လေးရာအထက်ရှိသည့် ဓမ္မသီချင်းစာအုပ်ကို ကျွနင်္ုပ်တို့ ရရှိခဲ့ပါသည်။ အကယ်စင်စစ် ယခုလောက်မပြည်စုံ သော်လည်း ပထမဦးဆုံး အသုံးပြုခဲ့သော ဓမ္မသီချင်း စာအုပ်ကို ၁၈၃၆ခုနှစ်တွင် ဦးစွာပုံနှိပ်ခဲ့ကြောင်း မှတ်သားရန်ရှိသည်။

               မြန်မာဓမ္မသီချင်းများစာအုပ် မဖြစ်မီက ........   မော်လမြိုင်ဓမ္မသိတင်းစာနှင့်..... မြန်မာ့တမန် စာစောင်တွင် စတင်ဖော်ပြပုံနှိပ်နိုင် ခဲ့ကြောင်းလည်း မှတ်တမ်းများ၌ တွေ့ရပါသည်။ ၁၈၃၆ နောက်ပိုင်းတွင် ဓမ္မသီချင်းစာအုပ်အပြင် ဧ၀ံဂေလိဓမ္မသီချင်းစာအုပ် ယခုကာလတွင် .... သံပြိုင်သီချင်း၊ ခေတ်ပေါ်သီဓမ္မတေး များနှင့် နှိုင်းယှဉ်နိုင်ပါသည်...... လည်း ထွက်၍ ထိုစာအုပ်တွင်မူ ဆရာဆန်ကီနှင့် ဆရာအဆောင်းတို့၏ သီချင်းအများစုသာ ပါဝင်လေသည်။ ဆရာဆန်ကီမှာမူ သီချင်းရေးဆရာမဟုတ်ဘဲ အင်္ဂလိပ်သီချင်း Gospel Songs များကို စုဆောင်းသူဖြစ်၍ သူစုဆောင်းသမျှကို ဆရာအဆောင်းက ၀ါသနာကြီးစွာ စေတနာထက်သန်စွာဖြင့် ဒိုင်ခံဘာသာပြန်ခဲ့ခြင်း ဖြစ်ပါသည်။

            မြန်မာဓမ္မသီချင်းနှင့်ဆက်နွယ်၍ တိုင်းရင်းသား ကရင်အမျိုးသားတို့၏ သီချင်းစာအုပ်ကိုမူ သူတို့က မမ၀ိတူဟု မြတ်နိုးစွာခေါ်သော Mrs. Calista Vinton 1808- 1864 ကတစ်ဦးတည်း ၂၁၆ပုဒ်ဘာသာပြန် ခဲ့ပါသည်။ သူ၏သား Rev. J.B. Vinton 1840- 1887 ကလည်း တစ်ဦးတည်းအပုဒ် ၆၀၊ ဆရာစမစ် Rev. D.A.W. Smith 1840 ၌ မွေးဖွား၍ ကရင်ကျမ်းစာကျောင်းအုပ် လုပ်ခဲ့သူက တစ်ဦးတည်း ၄၁ပုဒ်၊ ဆရာ ကရော့စ် Rev. E.B.Cross က၉ပုဒ်၊ မမဟယ်ရစ်က ၄ပုဒ်၊ မမနောရစ်က ၂ပုဒ်နှင့် တိုင်းရင်းသားဖြစ်သော ရှေ့နေဦးလူနီက ၁၆ပုဒ် ကိုရေးသားခဲ့ကြပါသည်။

            ဆရာစောကွာလာသည် ကိုသာဖြူ(ပထမဦးအသီး၊ ကရင်လူမျိုး) ၏ဒေသနာဖြင့် ပြောင်းလဲသူ ဖြစ်ကာ သီချင်း ၉ပုဒ်ကိုလည်းကောင်း ရေးပြီး၊ စောအဲဖော(မြိတ်မြို့တွင်နေသူ) ကသီချင်း ၂ပုဒ်၊ စောပါလာ (မော်လမြိုင်မှ ဧ၀ံဂေလိဆရာ) ကသီချင်းတစ်ပုဒ်၊ စောဆသူ(ချက်တမ်း)က တစ်ပုဒ်ကို ရေးသည်။ စောအဲဖော၊ စောပါလာ၊ စောဆသူတို့၏ သီချင်းများမှာ ဘာသာပြန်မဟုတ်၊ ကရင်သံစဉ် ကရင်လင်္ကာ များဖြင့် ရေးသားခြင်းဖြစ်သည်။ ရွှေကျင်သား ကာချားကလည်း သီချင်းတပုဒ်ရေးခဲ့သည်ဟူ၏။

            ဤကဲ့သို့ သာသနာပြုသူများ ယုံကြည်သူများ ၀ိုင်းဝန်၍ လွန်ခဲ့သောနှစ် နှစ်ရာနီးပါးက ပြုစုထုဆစ် လိုက်သော ဂီတများ၏မြစ်ဖျားကို ယခုအခါ တစ်ပုဒ်ချင်းစီ တတ်နိုင်သမျှ လေ့လာကြရအောင်

                                                              ဆရာဆိုး