ဝိညာဉ်အသက်တာကျဆင်းခြင်းကိုမည်သို့ကာကွယ်မည်နည်း။
How To Protect From Spiritual Life Falling ?
ဆရာ နိုအောင်ထွယ်
ယနေ့ယုံကြည်သူများ၏အသက်တာ၌ မတူညီသောပြဿနာပေါင်းစုံနှင့် ရင်ဆိုင်တွေ့ကြုံနေ
ကြရသည်။ အချို့မှာ ငွေကြေးနှင့်ပတ်သက်၍သော်လည်းကောင်း၊ စားဝတ်နေရေး၊စီးပွါးရေး၊ သားသမီး
ရေး ၊ ကျန်းမာရေး စသည်ဖြင့် အသီးသီးရှိကြသည် ။ ဤသို့ပြဿနာပေါင်းစုံအနက် အကြီးမားဆုံးနှင့်
ဖြေရှင်းရန် လျစ်လျူရှုခံရဆုံး သောပြဿနာမှာ “ ၀ိညာဉ်ရေးရာကျဆင်းခြင်း” ပြဿနာပင်ဖြစ်သည်။
ကျွန်တော်အခုတလောဝိညာဉ်ရေးအားနည်းနေတယ်။ ငါတို့အသင်းတော်ကတော့ ၀ိညာဉ်ရေး
ရာ အတော်ကိုကျဆင်းနေတယ် ဆိုတဲ့ ယုံကြည်သူများရဲ့ပြောစကား မကြခဏ ကြားနေရတယ်။ အချို့
က ၀ိညာဉ်ရေးရာကျဆင်းနေခြင်းကို မသိသေးသောယုံကြည်သူ များစွာရှိသေးသည်။
ဓမ္မဟောင်းကျမ်းပါ ဣသရေလလူမျိုးတို့၏ သမိုင်းကြောင်းကို လေ့လာကြည့်မယ်ဆိုရင် ၀ိညာဉ်
ရေးရာ အတက်အကျများကို လှိုင်းလုံးကြီးများသဖွယ် တွေ့မြင်နိုင်ပေသည်။ ရှင်ဘုရင် ဒါဝိဒ်ခေတ်က
ဣသရေလလူမျိုးများ၏၀ိညာဉ်ရေးရာ အကောင်းဆုံး၊အမြင့်ဆုံး ရောက်ရှိချိန်ဖြစ်သည်။ ဣသရေလူမျိုး
တို့၏ နိုင်ငံရေး၊ စီးပွါးရေး၊ လူမှုရေး ၊ လုံခြုံရေး တို့သည် ၀ိညာဉ်ရေးရာ အတက်အကျပေါ် မူတည်၍
ပြောင်းလဲနေသည်။ သူတို့ဝိညာဉ်ရေးရာကျဆင်းပြီဆိုပါက ကျန်သောဂဏ္ဍ အသီးသီး၌လည်း ကျဆင်း
ခြင်းဖြစ်နေသည်။ ယနေ့ (၂၁)ရာစု ယုံကြည်သူ ခရစ်ယာန်များအသက်တာ၌လည်း ၀ိညာဉ်ရေးရာကျဆင်း
ခြင်းနှင့် တိုးတက်ခြင်းသည် ကျွန်ုပ်တို့အသက်တာ တစ်ခုလုံးအတွက်အဓိကကျသော အရာဖြစ်သည်။
ဝိညာဉ်အသက်တာကျဆင်းခြင်း၏လက္ခဏာများ ( The Signs of Spiritual Falling )
(၁) ၀ိညာဉ်ရေးရာ အာသီသပျောက်ဆုံးခြင်း (Loosing Spiritual Favour )
ရောဂါတိုင်း၏ လက္ခဏာတစ်ခုမှာ အစာစားချင်စိတ်မရှိခြင်းနှင့် အစာကိုအရသာမခံစားနိုင်ခြင်း
တို့ဖြစ်သည်။ ထိုသို့ပင် ၀ိညာဉ်ရေးရာကျဆင်းလာပါက ကျမ်းစာဖတ်လိုသောစိတ်များ၊ ဆုတောင်းချင်
သောဆန္ဒများ၊ ဘုရားကျောင်းသို့သွားရောက်ကာ ယုံကြည်သူများနှင့်မိဿဟာယ ဖွဲ့လိုသော သဘော
ထားများ၊ ဘုရားအမှုတော်အတွက် ဆောင်ရွက်ရန်ပြင်းပြသောစိတ်များ သိသိသာသာ ပျောက်ကွယ်
သွားမည်။ မှန်ပါသည် ၀ိညာဉ်ရေးရာခြောက်ခမ်းပြီဆိုလျှင် ၀ိညာဉ်ခံတွင်းပျက်ခြင်းနှင့် ရင်ဆိုင်ရပေမည်။
(၂) လောကီအပျော်အပါးအပေါ် လိုက်စားလိုစိတ်ပို၍ ရှင်သန်လာခြင်း
( Strong Desire to Worldly Pleasure )
ဝိညာဉ်ပိုင်းကျဆင်းလာပြီဆိုလျှင် ဇာတိပိုင်းဆိုင်ရာ အားကောင်းလာပြီဖြစ်သည်။ လောကီဆိုင်
ရာ၊ အချစ်ဇတ်လမ်းတွေ ၊ရုပ်ရှင်တွေ၊ အပျော်ခရီးထွက်ခြင်း၊ ပါတီပွဲများ ၊ အရက်သေစာ စားသောက်ခြင်း
များ ရှင်သန်လာသည်။ ၎င်းအရာများထဲတွင် ပျော်မွေ့လာပြီး လောကကိုပင် ကောင်းကင်ဘုံကဲ့သို့
ထင်မှတ်လာပေမည်။ တနင်္ဂနွေနေ့ဘုရားကျောင်းသွားပြီး ၀တ်ပြုကိုးကွယ်ရမယ့်အစား အစွမ်းကုန်
လှပအောင် ခြယ်သပြီး ဈေးဝယ်ထွက်တာ၊ ပန်းခြံသွားတာ ၊ စားသောက်ဆိုင်သွားခြင်းဖြင့် သာယာ
တတ်လာသည်။ ဤသည် ၀ိညာဉ်ရေးရာကျဆင်းခြင်း လက္ခဏာ တစ်ရပ်ဖြစ်သည်။
၃) ကာမဂုဏ် ချုပ်တည်းမှု လျော့နည်းလာခြင်း ( Lost Self Control )
ဝိညာဉ်ရေးရာ ခမ်းခြောက်နေသောသူသည် စိတ်တိုမြန်ပြီး ဒေါသထွက်လွယ်သည်။ သို့သော်
ခွင့်လွှတ်ရန် ခက်ခဲနေတတ်သည်။ အမြဲလိုလို စိတ်ဖိစီးမှု၊ စိတ်ဓါတ်ကျဆင်းမှု၊ မကျေနပ်မှု၊ ကြောက်ရွံ
စိုးရိမ်မှု၊ ခံစားနေရသည်။ ၀ိညာဉ်ရေးရာ ကျဆင်းလေလေ အရာရာတိုင်းပေါ်အမြင် သဘောထားမှာ
လည်းပြောင်းလဲလာပြီး အဆိုးဘက်၊ အနှုတ်သဘော သာမြင်တတ်လာသည်။
အခြားသောဝိညာဉ်ရေးရာကျဆင်းခြင်းများမှာ အဖျားအနာရောဂါစွဲကပ်ခြင်း၊ ခံစားရမည့် ကောင်း
ချီးမင်္ဂလာများ လက်လွတ်ဆုံးရှုံးရခြင်း၊ မတော်တဆ ထိခိုက်ဒဏ်ရာရခြင်း၊ များရှိသည်။ ဘုရားသခင်သည်
သူ၏သားသမီးများ သူ့အားမေ့မေ့ပျေက်ပျောက်ရှိလာသည့်အခါ ကျွန်ုပ်တို့မလိုချင်သော ဒုက္ခ၊ အန္တရာယ်
ရောဂါ စသည့် မာရ်နတ်၏ တိုက်ခိုက်မှုများကို ခွင့်ပြုပေးနိုင်သည်။ ထိုသေို့ဆိုသော် ဒုက္ခအခက်အခဲ
ပြဿနာရင်ဆိုင်ရတိုင်း ၀ိညာဉ်ရေးရာ ကျဆင်းခြင်းဆိုးကျိုးဟု မဆိုနိုင်ချေ။ အခြားအကြောင်းများ
ကြောင့်လည်း ဖြစ်နိုင်သည်။
အဘယ်ကြောင့် ၀ိညာဉ်အသက်တာ ကျဆင်းရသနည်း။ (What Does Life Fall Down? )
ဝိညာဉ်အသက်တာကျဆင်းရခြင်း၏ အဓိကအကြောင်းရင်းတစ်ခုမှာ အလုပ်များခြင်းဖြစ်သည်။
အလုပ်တွေပိနေလို့ ဘုရားကျောင်းတောင်မရောက်နိုင်ဘူး။ အခုတလောအလုပ်များလို့ ကျမ်းစာဖတ်ဖို့
ဆုတောင်းဖို့အချိန်တောင်မရှိဘူး။ လူအတော်များများပြောဆိုကြသည်။ မာသရဲ့အသက်တာကဲ့သို့
လူမှုရေး၊ဧည့်ဝတ်ကျေပြွန်မှု ကိုသာဦးစားပေး၍ ခရစ်တော်နှင့်နီးကပ်ရန်၊ ခရစ်တော်၏နှုတ်ကပတ်
တော်ခံယူရန် ပျက်ကွက်ခြင်းနှင့် ထပ်တူပင်ဖြစ်သည်။
အကယ်၍ အလုပ်များခြင်းကြောင့် ၀ိညာဉ်ရေးရာကျဆင်းသည်ဟုဆိုလျှင် ၀န်ကြီးချုပ်ဖြစ်သော
ဒံယေလ လောက် သင်အလုပ်များသလော။ သခင်ယေရှုလောကတွင်အသက်ရှင်စဉ် အလုပ်များလှ
သ်ည။ဟောပြောခြင်း၊ အနာငြိမ်းခြင်း၊တပည့်တော်များအား စီမံခန့်ခွဲရခြင်း၊မအားနိုင်ပါ။ သို့သော် ခမည်း
တော်ဘုရားနှင့် သီးသန့်အချိန်ပေးနိုင်သည်။ သင်နှင့်ကျွန်ုပ် ခရစ်တော်ထက်သာ၍ အလုပ်များသော
ကြောင့် ၀ိညာဉ်ရေးရာတိုးတက်ရန် အချိန်မပေးနိုင်သလော။ မအားမလပ်ကြသည့် ယုံကြည်သူများ
သည် တီဗွီရှေ့တွင် တစ်နေ့တစ်နာရီ၊နှစ်နာရီ အချိန်ပေး၍ ထိုင်နေကြသည်။
၂။ ဦးစားပေးမှု (သို့) တန်ဖိုးထားမှု မှားယွင်းခြင်း (Because of Wrong Priority of Wrong Choice)
လူတိုင်းသည် မိမိတကယ်တန်ဖိုးထားရသော အရာအတွက် အချိန်ပေးနိုင်ကြသည်။ တနေ့မှာ
လူငယ်တစ်ယောက် ဆယ်တန်းမှာ ခြောက်ဘာသာဂုဏ်ထူးဖြင့်အောင်မြင်ရန်ကြိုးပမ်းအားထုတ်နေသည်။
အသင်းတော်အလုပ်ကိစ္စအတွက်သော်လည်းကောင်း၊ အခြားလူမှုရေးအတွက်သော်လည်းကောင်း လုပ်
ရန်သူမှာ အားလပ်ချိန်မရှိပါ။ သို့သော် တစ်နေ့ မိန်းကလေးချစ်သူ တစ်ယောက်ရသွားသည်။ ချစ်သူ
အတွက် သူ့မှာမအားဘူးဟူ၍ အကြောင်းပြချက် မရှိတော့ပါ။ ကျောင်းစာကိုပစ်၍ ချစ်သူနှင့်ချိန်းတွေ့
ရခြင်းသည်ပင် အခွင့်အေ၇းကြီး သဖွယ်မြင်လာသည်။ အမှန်မှာ သူရဲ့တန်ဖိုးထားမှု ပြောင်းလဲသွား
ခြင်းဖြစ်သည်။
ယနေ့ယုံကြည်သူများ ဘုရားသခင်နှင့်မိသဟာယဖွဲ့ရခြင်းတန်ဖိုးအစစ်အမှန်ကို နားလည်
ကြမယ်ဆိုရင် သူအားအချိန်ပေး၍ မအားမလပ်ဖြစ်ရန် အကြောင်းမရှိတော့ပါ။ (မဿဲ ၆း၃၃) မှာ
“ နိုင်ငံတော်နှင့်ဖြောင့်မတ်ခြင်း............................ပေးတော်မူလတံ့” ။ ဆိုထားပါသည်။ သင်၏တန်ဖိုး
ထားမှုနျင့် ရွေးချယ်မှုမှန်ကန်ခဲ့လျှင် ၀ိညာဉ်ရေးရာကျဆင်းခြင်းကို အလွယ်တကူ ကျော်လွှား
အောင်မြင်နိုင်ပါလိမ့်မည်။
ဝိညာဉ်ရေးရာကျဆင်းခြင်းမှ ကာကွယ်ရန်အချက်လေးချက်
ကျွန်ုပ်တို့ ၀ိညာဉ်အသက်တာ အစဉ်တိုးတက်ရှင်သန်စေရန် ၀ိညာဉ်အစာတည်းဟူသော
နှုတ်ကပတ်တော်ကို နေ့စဉ်မှန်မှန် သုံးဆောင်ရန်လိုအပ်သည်။ မဿဲ (၄း၎) မှာ သခင်ယေရှုက
“ လူသည်မုန့်အားဖြင့်သာ အသက်မွေးရမည်မဟုတ်။ ဘုရားသခင်မိန့်တော်မူသမျှ အားဖြင့် အသက်
မွေးရမည်” ဟုဆိုခဲ့ပါတယ်။ ဆရာကြီး Rick Warren က သန်းပေါင်းများစွာသောခရစ်ယာန်တို့ဟာ
နှုတ်ကပတ်တော်ထက် နေ့စဉ်ထုတ်သတင်းစာကို သာ၍သစ္စာရှိစွာ ဖတ်ရှုကြသည်။ ထိုကြောင့်
ခန္ဓာအသက် ကြီးရင့်လာသော်လည်း၊ ၀ိညာဉ်အသက်တာ မူကားကြီးထွားရင့်ကျက်လာခြင်း မရှိ
နိုင် ဟုဆိုခဲ့ပါတယ်။
၂။ နေ့စဉ် ဒူးထောက်ဆုတောင်းခြင်း
ခရစ်တော်သည် ကျွန်ုပ်တို့အတွက် ဆုတောင်းခြင်းအသက်တာ၌ အကောင်းဆုံး ပုံသက်
သေဖြစ်သည်။ (မာကု ၁း၃၅) “နံနက်အချိန် မိုးမလင်းမီ ကိုယ်တော်သည်ထပြီးလျင် တောအရပ်
သို့ ထွက်ကြွ၍ ဆုတောင်းတော်မူ၏ ” နံနက်စောစောအချိန်နှင့် ညတိတ်ဆိတ်ချိန်သည် ဆုတောင်း
ရန်အကောင်းဆုံးအချိန်ဖြစ်သည်။
၃။ ယုံကြည်သူများနှင့်မိဿဟာယဖွဲ့ခြင်း
ယုံကြည်သူများအား သမ္မာကျမ်းစာတွင် သိုးနှင့်ခိုင်းနှိုင်းထာ်းပါသည်။ သိုးများသည်သဘာဝ
အားဖြင့် တစ်ကောင်တည်း နေရိုးထုံစံမရှိပါ။ အသင်းအဖွဲ့နျင့်သိုးထိန်းနှင့် နေရသောအမျိုးဖြစ်သည်။
အကယ်၍သိုးသည် တစ်ကောင်တည်းအထီးကျန်စွာ လျှောက်သွားမည်ဆိုပါက သူခိုးဓမြများ ၊၀ံပုလွေ
များ၏ သတ်ဖြတ်စားသောက်မှုခံရမည်။ သို့မဟုတ် ချောက်ကမ်းပါးအောက်လမ်းမှားပြီး ပြုတ်ကျသွား
ပေမည်။
မီးဖိုထဲတွင် အနည်းဆုံးထင်းလေး ငါးချောင်းရှိရန်လိုအပ်သည် ။လောင်ကျွမ်းနေသောထင်း
ချောင်းတို့သည် တစ်ချောင်းနှင့်တစ်ချောင်း အပြန်အလှန်အပူချိန် သက်ရောက်စေခြင်းဖြင့် လောင်ကျွမ်း
မှုကို ထိန်းသိမ်းထားနိုင်သည်။
၎။ ခရစ်တော်အတွက်အစေခံခြင်း (သို့) ခရစ်တော်အကြောင်းသက်သေခံခြင်း
ဝိညာဉ်ရေးရာကြီးထွားရှင်သန်ရန် နောက်ဆုံးလိုအပ်ချက်မှာ ခရစ်တော်အတွက်အစေခံခြင်း
နှင့် သက်သေခံခြင်းဖြစ်သည်။ ကာယဗလမောင်များသည် အခြားသာမာန်ယောင်္ကျားတွေ ထက်
သန်မာကြသည်။ သူတို့ကြွက်သားများသည် သာမန်အမျိုးသားတွေထက်ကြီးပြီးဆွဲဆောင်မှုရှိသည်။
ယောင်္ကျားခြင်းအတူတူ လေ့ကျင့်ခန်းလုပ်ခြင်း၊ မလုပ်ခြင်းသည် များစွာခြားနားစေသည်။ အလားတူ
ယုံကြည်သူများသည်လည်း ၀ိညာဉ်ရေးရာလေ့ကျင့်ခန်း(သို့) အမှုတော်ကိုတစ်ထောင့်တစ်နေရာက
ပါဝင်အစေခံခြင်းများ လိုအပ်သည်။ အဘယ်ကြောင့်ဆိုသော် ဘုရားသခင်က ယုံကြည်သူတိုင်း
အား မတူညီသောဆုကျေးဇူးများ ပေးထားပြီးဖြစ်သည်။ ကိုယ်လက်လှုပ်ရှားသောသူသည် ကိုယ်
လက်လှုပ်ရှားမှုမရှိသူထက် သာ၍ကျန်းမာသည်။ ဘုရားသခင်၏နိုင်ငံတော် ကျယ်ပြန်စေရန်အစေ
ခံသောသူသည် ၀ိညာဉ်အသက်တာမှာ ကျန်းမာလန်းဆန်းပြီး သန်မာသောသူဖြစ်သည်။
နိဂုံး
ယနေ့ ယုံကြည်သူများ အသက်တာမှာ အစဉ်ပျော်ရွှင်ခြင်း၊ အောင်မြင်ခြင်း၊ ကြွယ်ဝခြင်း
ကျန်းမာခြင်း စသည်ေ ကာင်းချီးမင်္ဂလာများကို ဘုရားသခင် ခံစားစေလိုသည်။ သို့သော် အထက်ပါ
အချက်လေးချက် မပြည့်စုံပါက ပြည့်ဝသော ကောင်းချီးမင်္ဂလာကို မခံစားနိုင်ပါ။ ဤအချက်လေးချက်
သည် မိတ်ဆွေထံ ဘုရားသခင်တောင်းဆိုနေသော အချက်များဖြစ်သည်။ ဒီနေ့ကစပြီး ကျမ်းစာဖတ်
မယ်၊ဒူးထောက်ဆုတောင်းမယ်၊ အပတ်စဉ်ယုံကြည်သူများနှင့် မိဿဟာယဖွဲ့မယ်၊ အခွင့်ရလျှင် ဘုရား
သခင်အတွက်အစေခံမယ် ဆိုပြီးဆုံးဖြတ်ကာ လုပ်ဆောင်သူတိုင်းအတွက် ထူးခြားသော ခန္ဒာ၊စိတ်
ဝိညာဉ် ကောင်းချီးမင်္ဂလာ များ သက်ရောက်မည်ဖြစ်ကြောင်း ဖော်ပြလိုက်ရပါသည်။
No comments:
Post a Comment