အသင်းတော်ဓမ္မပညာကျောင်းနေ့ဖြစ်ပေါ်လာပုံ
အသင်းတော်ဓမ္မပညာကျောင်းနေ့စတင်ပေါ်ပေါက်လာခဲ့ပုံမှာအင်္ဂလန်နိုင်ငံ၊ကလောက်စတာမြို့
မှရောဘတ်ရိတ်ခ(စ်) ဆိုသူပင်ဖြစ်သည်။ဖခင်ဖြစ်သူမှာစာပုံနှိပ်သူနှင့်သတင်းစာအယ်ဒီတာတစ်ဦးဖြစ်ကာ
သူလည်းအမွေဆက်ခံပြီးသတင်းစာဆရာတစ်ဦးအဖြစ်လုပ်ကိုင်ပြီး၊စာပုံနှိပ်လုပ်ငန်းတွင်လုပ်ကိုင်သည်။
ပျော်ရွှင်စွာနေတတ်ပြီး၊အလုပ်ကိုစနစ်တကျလုပ်ကိုင်တတ်သူဖြစ်ပြီး၊မိမိ၏ကောင်းမြတ်သောခရစ်ယာန်
စိတ်ထားကိုလူတိုင်းအားသိရှိစေသူဖြစ်သည်။
သူပထမဦးဆုံးအကျဉ်းထောင်ကိုစိတ်ဝင်စားလာပြီး၊အကျဉ်းသားများ၏အလုပ်မလုပ်ဘဲအားလပ်
နေမှု၊မသိနားမလည်မှုတွေကြောင့်ပျက်စီးနေမှုတွေကိုသွန်သင်လမ်းပြပေးနိုင်လျှင်အသက်တာကိုပြုပြင်
ပေးနိုင်မည်ဟုယုံကြည်ခဲ့သည်။သို့သော်သူ၏ဆောင်ရွက်ချက်အောင်မြင်မှုမရရှိခဲ့ပေ။၁၇၈၀ရောက်သော
အခါကလေးငယ်အရွယ်မှပြဿနာကိုစတင်ဖြေရှင်းရမည်ဟုသူဆုံးဖြတ်ခဲ့သည်။
ပတ်ဝန်းကျင်၌ဆင်းရဲနွမ်းပါသောကလေးငယ်များ၊တနင်္ဂနွေနေ့လမ်းပေါ်တွင်ဆော့ကစားနေသော
ကလေးငယ်များ၊သောက်စားမူးရစ်ခြင်း၊ညစ်ညမ်းသီချင်းများသီဆိုခြင်းကိုတွေ့မြင်နေရသည်။ကလက်စတာ
မြို့တွင်စက္ကူတွယ်သည့်ပင်အပ်များပြုလုပ်သည့်အလုပ်ရုံရှိရာ၊ယင်းစက်ရုံတွင်ကလေးအလုပ်သမားများ
များစွာရှိလေသည်။တစ်ပတ်လုံးအလုပ်လုပ်ပြီး၊တနင်္ဂနွေနေ့တွင်ကလေးငယ်များသည်အမျိုးမျိုးအဖုံဖုံလေ
လွင့်ပျက်စီးနေကြသည်။
ပထမဦးဆုံးယောင်္ကျားလေးများကိုစုဆောင်းပြီးတစ်နေ့တစ်သျှီလင်ဖြင့်အမျိုးသမီးကြီးတစ်ဦးကိုငှား
ရမ်းကာကလေးငယ်များကိုသင်ကြားပေးစေသည်။ပထမတွင်လှောင်ပြောင်ခြင်းကိုပင်ခံခဲ့ရလေသည်။
သုံးနှစ်တာစမ်းသပ်ပြီးအောင်မြင်မှုရလာသောအခါသတင်းစာမှနေလည်းကောင်း၊အခြားနည်းလမ်းဖြင့်
လည်းကောင်းကြေဌာရာဝက်စလေညီအစ်ကိုနှင့်ဝှိုက်ဖီးလ်တို့ကြားသိရပြီးအားပေးထောက်ခံမှုရရှိလေ
သည်။
၁၇၈၅တွင်နှစ်ခြင်းအသင်းတော်မှအသင်းသားတစ်ဦးဖြစ်သူဝီလျံဖောက်နှင့်ရောဘတ်ရိတ်ခစ်ပူးပေါင်း
ပြီး၊တနင်္ဂနွေနေ့ကျောင်းအသင်းကိုစတင်ဖွဲ့စည်းခဲ့သည်။ဂလက်စတာမြို့တွင်တနင်္ဂနွေကျောင်း(၅)ကျောင်း
ပေါ်ပေါက်လာပြီးကျောင်းနှင့်ပတ်သက်သောစည်းမျဉ်းဥပဒေများကိုလည်းထုတ်ပြန်ရေးဆွဲကြသည်။
လေးနှစ်ကြာသောအခါတနင်္ဂနွေကျောင်းသို့တက်ရောက်သောကလေးငယ်ပေါင်းနှစ်သိန်းခွဲအထိတိုးတက်
လာပြီး၊ကလေးများ၏အကျင့်စာရိတ္တလည်းကောင်းမွန်တိုးတက်လာခဲ့သည်။ရာဇ၀တ်မှုများကျူးလွန်ခြင်း
များလည်းသိသိသာသာကျဆင်းလာခဲ့သည်။
ထိုနောက်အသင်းတော်များရှိသင်းအုပ်ဆရာများထံစာရေးသားပြီး၊ကလေးငယ်များ၏၀ိညာဉ်ရေး
ဘုရားသခင်၏သမ္မာတရားသင်ကြားပေးရေး၊ယဉ်ကျေးသိမ်မွေ့သောကလေးငယ်များဖြစ်လာစေရေး၊
စာပေ၀ါသနာပါကာလေ့လာဖတ်ရှုရေးအတွက်ရေးသားတိုက်တွန်းပေးခဲ့သည်။
၁၈၁၂ရောက်သည့်အခါတနင်္ဂနွေနေ့ကျောင်းများကျယ်ပြန့်လာပြီး၊အမေရိကန်ပြည်ထောင်စု၊ဗာဂျီး
နီးယား၌လည်းတနင်္ဂနွေကျောင်းများပေါ်ပေါက်လာခဲ့သည်။
မြန်မာနိုင်ငံတွင်တနင်္ဂနွေကျောင်းကိုစတင်အစပြုခဲ့သူမှာဆရာယုဒဿန်၏ဇနီးမမအဲန်းမှအစပြုခဲ့သည်။
ဥပုသ်စာဖြေဟုခေါ်ဝေါ်ခြင်းမှာတနင်္ဂနွေနေ့သည်ခရစ်ယာန်များ၏ဥပုသ်နေ့ဖြစ်ပြီး၊ယင်းနေ့တွင်ဓမ္မအမေး
အဖြေများပြုလုပ်ခြင်းကြောင့်မှည့်ခေါ်ခြင်းဖြစ်ဟန်တူသည်။ထိုနောက်မြန်မာပြည်သို့်ရောက်ရှိလာသော
သာသနာပြုဆရာများအဆက်ဆက်ဥပုသ်စာဖြေကျောင်းများကိုဆက်လက်ဆောင်ရွက်ခဲ့ကြသည်။
တနင်္ဂနွေနေ့တွင်ကလေးငယ်များကိုစုစည်းပြီး၊ကျမ်းစာသင်ပြခြင်း၊သီချင်းများသင်ကြားပေးခြင်း၊
ပုံပြင်များပြောခြင်းအားဖြင့်ကလေးငယ်များ၏ဘာသာရေးအသိ၊အသိအလိမ္မာကြွယ်ဝလာစေရန်လေ့ကျင့်
သင်ကြားပေးခဲ့ပါသည်။၁၉၆၅ခုသာသနာပြုကျောင်းများကိုပြည်သူပိုင်သိမ်းပြီးနောက်ပိုင်းဥပုသ်စာဖြေ
ကျောင်း၏တာဝန်မှာအသင်းတော်များသို့ကျရောက်လာခဲ့ပါသည်။
ယနေ့ခေတ်တွင်ကလေးငယ်များ၏ပညာရေးကြောင့်ယုံကြည်သူသားသမီးများဥပုသ်စာဖြေကျောင်း
သို့အပြည့်အ၀တက်ရောက်နိုင်ခြင်းမရှိတော့ကြောင်းတွေ့မြင်လာရပါသည်။ကလေးငယ်များအတွက်
ကောင်းမြတ်သောရည်ရွယ်ချက်အားဖြင့်လုပ်ဆောင်သောဥပုသ်စာဖြေကျောင်းသို့ကျွန်တော်တို့သားသမီး
များမပို့ဆောင်ပေးနိုင်ပါကအနာဂတ်သားသမီးများ၏ယုံကြည်ခြင်း၊သမ္မာတရားအတိုင်းလိုက်လျောက်
အသက်ရှင်မှုအတွက်စိုးရိမ်စရာဖြစ်နေကြောင်းတွေ့မြင်ရပေသည်။
No comments:
Post a Comment