Friday, November 16, 2012

မေတ္တာဥယျာဉ်ဝယ်.... (ခရစ်ယာန်အိမ်ထောင်)

 မေတ္တာဥယျာဉ်ဝယ်
( ရိုးရာထူး )



“ မြေကြီးပေါ်မှာ  ပန်းများပွင့်ကြပြီ
ငှက်များမြည်တွန်ချိန်လည်းရောက်လေပြီ။
ငါတို့မြေ၌  ချိုးငှက်တွန်သံကိုလည်းကြားရ၏။
သင်္ဘောသဖန်ပင်သည်  စိမ်းသောအသီးကို  မှည့်စေ၏။
စပျစ်နွယ်ပင်လည်း  ပွင့်လျက်မွှေးကြိုင်၏။
ငါချစ်သော  နှမ .....
ငါ၏  မိန်းမလှ .....
ထ၍လာခဲ့ပါ ”
                                         ရှောလမုန်သီချင်း (၂း၁၂-၁၃)

                 တစ်ခါကလင်မယားနှစ်ယောက်ရှိပါတယ် ။   တစ်နေ့မှာတော့ .............
ယောင်္ကျားဖြစ်သူက  မောမောပန်းပန်းနဲ့    ပြန်ရောက်လာပါတယ်။        မိန်းမဖြစ်သူကလည်း  တစ်နေကုန်
အိမ်မှုကိစ္စတွေနဲ့    နပမ်းလုံးရင်းနွမ်းလျနေပါတယ်။         ဖြစ်ချင်တော့အိမ်ခြံတံခါးကို       မပိတ်လိုက်မိဘူး
လင်မယားနှစ်ယောက်............၊ခြံတံခါးပိတ်ဖို့ပြောရာက    အခြေအတင်ဖြစ်လာကြသည်။  စကားများရာက
ရန်ပွဲတစ်ပွဲအသွင်ရောက်လာတော့သည်။   အော်ဟစ်ငြင်းခုန်ရာက      နောက်ဆုံးတော့   သဘောတူညီမှု
တစ်ခုရသွားတယ်။  အရင်စကားပြောတဲ့သူခြံတံခါးကို  သွားပိတ်ရမယ်တဲ့။ 
               အဲဒီအချိန်မှာ   အိမ်ရှေ့ကို     လူစိမ်းနှစ်ယောက်ရောက်လာတယ်။         ထိုလူစိမ်းနှစ်ဦးခြံရှေ့မှာ
အော်ဟစ်အကူအညီတောင်းပေမဲ့     ဘာသံမှလည်းမကြားရတော့၊       ပွင့်နေတဲ့ခြံတံခါးကနေ  အိမ်ထဲကို
ဝင်လာကြတယ်။   အိမ်ထဲမှာ  လင်မယားနှစ်ယောက်    ငုတ်တုတ်ထိုင်နေတာမြင်ရတော့  နည်းနည်းတော့
လန့်သွားကြတယ်။  သူတို့ဟာဧည့်သည်တွေဖြစ်တဲ့အကြောင်း၊  ဗိုက်ဆာနေ၍  စားစရာနည်းနည်းလောက်
ကျွေးရန်မေတ္တာရပ်ခံကြပါတယ်။   သူတို့လင်မယားနှစ်ယောက်  ဘာမှပြန်မပြောကြတဲ့အတွက်  ဧည့်သည်
နှစ်ယောက်ကလည်း  မထူးတော့ဘူးဆိုပြီး  မီးဖိုချောင်ထဲဝင်ပြီး စားသောက်ကြတော့တယ်။
              စားသောက်ပြီး  ဧည့်သည်နှစ်ယောက်ထဲက       တစ်ယောက်က  ငုတ်တုတ်ထိုင်နေတဲ့   မိန်းမကို
ကြည့်ပြီး၊  “ မျက်နှာလေးကချစ်စရာလေး၊  စကားလည်းမပြောဘူး။       မွှေးမွှေးပေးချင်စရာလေး ”  ဆိုပြီး
အနားတိုးကပ်လိုက်ပါတယ်။
             “ ဟေ့ကောင်တွေ၊  မင်းတို့ဘယ်လိုကောင်တွေလဲ။        သူများအိမ်ထဲဝင်ပြီးစားသောက်၊   ဒါတင်
အားမရသေးဘူး၊   သူများမိန်းမကို   ပါပြစ်မှားချင်သေးလို့လားကွ ”  ဆိုပြီး       တစ်ချိန်လုံးအသံမထွက်ဘဲ
ငြိမ်ပြီးကြည့်နေ   တဲ့ယောင်္ကျားဖြစ်သူရဲ့       ကြိမ်းမောင်းသံကြောင့်        ဧည့်သည်နှစ်ယောက်ဟာလည်း
လန့်ဖြန့်ပြီး  အိမ်ပေါ်က     ဆင်းပြေးသွားတော့တယ်။
              ထိုနောက်မိန်းမဖြစ်သူက   အောင်နိုင်သူအပြုံးနဲ့  ပြောလိုက်တဲ့စကား  က
                        “  ကဲ............... အခုရှင်ရှုံးပြီ    တံခါးသွားပိတ်တော့ “ တဲ့။

ဒီကနေ့
             ခရစ်ယာန်မိသားစုအိမ်ထောင်တွေမှာ   မဖုံးနိုင်မဖိနိုင်   တရားဝင်ကွာရှင်းပြတ်စဲမှုတွေရှိလာပါ
ပြီ။   တစ်ချို့အိမ်ထောင်တွေက  တရားဝင်ကွာရှင်းပြတ်စဲမှုတွေမလုပ်ပေမယ့်   ချစ်ခြင်းမေတ္တာတွေ
ပြတ်စဲကုန်ကြတယ်။  အကြောင်းအမျိုးမျိုး၊  အခြေအနေအမျိုးမျိုးကို   ငဲ့ညှာထောက်ထားနေလို့်သာ
တရားဝင်ကွာရှင်းပြတ်စဲခြင်း   မလုပ်ကြသေးတာပါ။
           အိမ်ဆိုတာ  စားသောက်နားခို  အိပ်စက်ရာနေရာတစ်ခုအဖြစ်  သာ  တည်ရှိနေတော့တယ်။
           ဒီလိုဘာကြောင့်ဖြစ်ရတာလဲ။     အကြောင်းအမျိုးမျိုးရှိကြမှာပေါ့။
           သိက္ခာတော်ရဆရာ  ဒေါက်တာမောင်မောင်ရင်  ရဲ့သွန်သင်ချက်လေးတစ်ခုကို   သတိရမိတယ်။
“အစာမစားရလို့  လင်မယားမကွဲနိုင်ဘူး။ ”
အစာမကြေလို့  လင်မယားတွေကွဲကွာသွားကြရပါတယ် ”     တဲ့
            ငတ်မွတ်မှု၊       ဆင်းရဲဒုက္ခပြဿနာတွေက         လင်မယားတွေကို   မခွဲနိုင်ပါဘူး။    ဒီအရာတွေကို
မိသားစု၊အိမ်ထောင်တိုင်းတွေ့ကြုံ    ရင်ဆိုင်ခဲ့ရပေမဲ့   ဖြတ်ကျော်နိုင်ခဲ့ကြတာပဲမဟုတ်လား။
            အစာမကြေဖြစ်ကြပြီးဆိုရင်တော့
            မချစ်လို့မှ  မဟုတ်ဘဲဗျာ။   နည်းနည်းအောင့်ခံရတာပေါ့။
            “ သင်တို့သည်  အသီးသီးကိုယ့်ကိုယ်ကိုချစ်သကဲသို့    ကိုယ့်ခင်ပွန်းကို ချစ်ကြလော့။     မိန်းမသည်
လည်း  ကိုယ့်ခင်ပွန်းကို   ရိုသေခြင်းရှိစေလော့။ ”  (ဧဖက်  ၅း၃၃)
            ရှောလမုန်သီချင်းထဲမှာ    ဥယျာဉ်လေးတစ်ခုရှိတယ်။     အချစ်ဥယျာဉ်တစ်ခုပေါ့။       ဥယ်ာဥ္ထဲ မွာ
ရောင်စုံပန်းတွေက  ဖူးပွင့်မွှေးထုံ        သင်းပျံနေတယ်။          ရာသီဥတုကလည်း       ကြည်လင်လှပတယ်။
ငှက်ကလေးတွေကလည်း   တွန်ကျူးတေးသီနေကြတယ်။   ဒါပေမဲ့ ......ဒါပေမဲ့ ........
             စပျစ်နွယ်ပင်ကိုဖျက်ဆီးလာမယ့်   မြေခွေးများ    ၊  မြေခွေးကလေးများတော့    ရှိနေတယ်။      ဒါကို
ဒေါက်တာ  အယ်နာမေစေးဖက   ဘယ်လိုထောက်ပြသလဲဆိုတော့ .......
             မြေခွေးကလေးတွေပါတဲ့။    ကျားကြီး၊      ဆင်ကြီး၊       ခြင်္သေ့ကြီးတွေ    မဟုတ်ပါဘူးတဲ့။  မြေခွေး
ကလေးတွေကလည်း  ၀င်ရောက်ဖျက်ဆီးတတ်ပါတယ်တဲ့။
             မြေခွေးများ၊  မြေခွေးကလေးများကို   ဖမ်းဆီးလိုက်ပါ။  အသေသာ      သတ်ပစ်လိုက်ပါ။
           ဥယျာဉ်လေးက  သိပ်ကိုလှပ  ပြည့်စုံသွားမှာပေါ့။  အနှောက်အယှက်တွေကင်းဝေးသွားမှာပေါ့။
           ဒီတော့လည်း .......
           တစ်ဦးနဲ့တစ်ဦး   အကြင်နာပေးရုံကလွဲပြီး   ဘယ်မှာများ  အချိန်တွေဖြုန်းကြဦးမှာလဲလေ။












No comments:

Post a Comment