“စိတ်နှလုံးနှိမ့်ချသော သူတို့သည်မင်္ဂလာရှိကြ၏။ အကြောင်းမူကားကောင်းကင်နိုင်ငံတော် သည် ထိုသူတို့၏နိုင်ငံဖြစ်၏”။ ခရစ်တော်သည်လည်း စိတ်နှလုံးနှိမ့်ချစွာဖြင့် တပည့်တော်တို့၏ခြေကို ကိုယ်တိုင် ဆေးကြောခဲ့ပါသည်။ ခရစ်တော် လူကိုစေစားရန်မဟုတ်လူ၏အစေခံရန်ကြွလာခြင်းဖြစ်ပါသည်။
ဤတွင်ရိုးသားသောခေါင်းဆောင်များ အကြောင်းရေးသားရန် စိတ်ကူးပေါ်လာ ပါသည်။ တိုင်းပြည်နှင့်လူမျိုးအတွက်အနစ်နာခံဆောင်ရွက်ပြီးနောက်ဆုံးအချိန်တွင် မိမိ၏ကိုယ်ကျိုးအတွက်ငွေကြေး ပစ္စည်း ဥစ္စာတပြားတချပ်မှယူဆောင်သွားခြင်းမရှိသောပုဂ္ဂိုလ်များအကြောင်းကိုဖော်ပြလိုပါသည်။
ဦးပေါ်ဦး
အမတ်ကြီးဦးပေါ်ဦးဆိုလျှင်ရာဇ၀င်တွင်နာမည်ကြီးလှသည်။သူ၏ရာထူးမှာဘိုးတော်ဘုရား မင်းတရားလက်ထက်မှာ ကက်ဘိနက်မင်ဘာအဆင့်ရှိဝန်ကြီးတစ်ဦးဖြစ်သည်။ ဘိုးတော်ဘုရားအပါအ၀င် မင်းသုံးဆက်ခစားခဲ့တဲ့ သက်တော်ရှည်အမတ်ကြီးဖြစ်ပါသည်။
မှတ်သားဖူးသည်မှာ........ သေခါနီးမှာကြားပုံကသူ့အလောင်းကိုခေါင်းထဲထည့်ပြီးခေါင်းရဲ့ဘေး မှာအပေါက်တစ်ပေါက်ဖောက်၊လက်တစ်ဖက်ကိုအပြင်မှာထုတ်ထားဖို့နဲ့ အသုဘအခမ်းအနားလာကြသူများ ကိုပြဖို့မှာခဲ့သည်။သဘောကတော့သေတဲ့အခါလက်ချည်းပဲ။ ဘာမှပါမသွားဘူးဆိုတာပြတာပါ။ဦးပေါ်ဦး တမလွန်ဘ၀ကိုဘာပစ္စည်းမှယူမသွားဘူး။ လက်ဗလာနဲ့သွားတယ်။ဥိးပေါ်ဦးဟာအကျင့်သီလစောင့်ထိန်း ပြီးခြစားမှုကင်းစင်တဲ့ အမတ်တဦးဖြစ်တယ်လို့သိရပါတယ်။
ဗိုလ်ချုပ်အောင်ဆန်း
ဗိုလ်ချုပ်ရဲ့ကိုယ်ကျိုးစွန့် အနစ်နာခံမှု၊ အတ္တအကျိုးကင်းစင်မှု ကိုမြန်မာပြည်သူပြည်သားတွေ သိကြပါသည်။အထူးသဖြင့် ဗိုလ်ချုပ်ပြတိုက်ကိုရောက်ဖူးသူများတွေ့ရှိရတာက သူကလေးတွေကစားဖို့ အဖိုးတန်ပစ္စည်းတွေမတွေ့ရပါ။ အ၀တ်အစားဆိုလည်းအကောင်းဆုံးဆိုစစ်ဝတ်စုံကြီးနှစ်စုံသာတွေ့ ရမှာဖြစ်ပါတယ်။အစားအသောက်ဆိုလည်းဗလာ စာရွက်တစ်ရွက်ပေါ်မှာရေးထားတဲ့ “ကြည်ပဲပြုတ်နဲ့နံပြား ရရင်စားချင်တယ်” ဆိုတဲ့ဗိုလ်ချုပ်ရဲ့ လက်ရေးမူစာရွက်ကလေးတစ်ရွက်တွေ့ရမှာဖြစ်ပါတယ်။ သူနဲ့ လက်တွဲ့ခဲ့တဲ့ရဲဘော်တစ်ဦးပြောဖူးတာက “မင်းတို့ဝန်ကြီးချုပ် ထမင်းဝိုင်းကိုစားဖူးသည်ရှိအောင်ဝင်စား သွားပါ” လို့ပြောတဲ့အတွက်သူက ထမင်းဝိုင်းကိုဝင်တဲ့အခါ ကြက်သားဟင်းတစ်ခွက်နဲ့ ဗူးရွက်ဟင်းချို တစ်ခွက်သာပါတဲ့ ထမင်းဝိုင်းဖြစ်ကြောင်းပြောပြခဲ့ဖူးပါသည်။ တိုင်းပြည်ဘဏ္ဍာကိုအလွဲသုံးစား မလုပ်ပဲ ရိုးသားနှိမ့်ချတဲ့ ဗိုလ်ချုပ်ပါ။
မော်စီတုံး
ကွန်မြူနစ်ဝါဒီတွေရဲ့သခင်ကြီး၊ တရုတ်ကွန်မြူနစ်ပါတီရဲ့ဥက္ကဌကြီး၊ တရုတ်ပြည်ရဲ့ခေါင်းဆောင် ကြီးမော်စီတုံးအကြောင်းပါ ။မော်စီတုံးသည်စီးကရက်ကိုအလွန်ကြိုက်ပြီးစီးကရက်ကိုအလွန်အကျွံသောက် သူဖြစ်သည်။ ဆရာဝန်များကဆေးလိပ်ဖြစ်ဖို့အကြံပြုပါတယ်။ သူကလုံးဝမလိုက်နာပါ။ တစ်နေ့တွင်ဥက္ကဌကို သံယောဇဉ်ရှိကြသော ပါတီဗဟိုကော်မတီဝင်တွေဖြစ်ကြသော တိန့်ရှောက်ဖိန့် ၊၀န်ကြီးချုပ်ချူအင်းလိုင်၊ ကာကွယ်ရေး ၀န်ကြီးမာရှယ်ချင်ယီစတဲ့ ဗဟိုကော်မတီဝင်တွေဟာ ဥက္ကဌကြီးမော်ရဲ့ရုံးခန်း ကို ချီတက် လာကြသည်။ဥက္ကဌကြီးကဘာကိစ္စရှိသလဲလို့မေးတဲ့အခါ ၀န်ကြီးတွေကကျွန်တော်တို့တိုင်ပင်ပြီးဥက္ကဌ ကြီးကိုဆေးလိပ်ဖြစ်ဖို့တောင်းဆိုပါတယ်လို့ပြောပါတယ်။ဥက္ကကြီးကကောင်းပြီးလို့သဘောတူလိုက်ပါတယ်။
နောက်နေ့ ကစပြီးမော်စီတုံးဆေးလိပ်သောက်တာ မတွေ့  ရတော့ပါဘူး။ဆေးလိပ် မပါပဲ ရုံးအလုပ်တွေကို ပုံမှန်လုပ်နေပါတယ်။ အားလုံးကဥက္ကဌကြီးမော်ဆေးလိပ်ပြတ်ပြီးလို့ ၀မ်းသာနေကြ တယ်။မော်စီတုံးရုံးခန်းတွင် ဗီရိုတစ်လုံးသူကလွဲပြီးဘယ်သူမှဖွင့်ခွင့်မပေးပါဘူး။ သူတစ်ယောက်တည်းရှိ သည့်အခါမှာသာဖွင့်လေ့ရှိသည်။ ဒီလိုနဲ့ဥက္ကဌမော်သည် အသက်ကြီးရင့်လာပြီးလူကြီးရောဂါဖြင့်ကွယ်လွန် သွားပါတယ်။ ထိုအခါမော်ရုံးခန်းရှိ သီးသန့်ဗီရိုကိုဖွင့်ဖို့ရန်အကြောင်းပေါ်လာသည်။ ၀န်ကြီးအားလုံးဗီရိုကို ဖွင့်ကြည့်ကြသည့်အခါ အဖိုးတန်ပစ္စည်းဘာတစ်ခုမှမတွေ့ရဘဲ စီကရက်ဗူးခွံများကိုသာတွေ့ရလေသည်။ ဗီရိုထဲတွင်နိုင်ငံတော်မှထောက်ပံ့သောယွမ်ငွေ အနည်းငယ်မျှသာရှိလေသည်။ စီးကရက်ခိုးသောက်တာက လွဲပြီးမော်စီတုံးသည် အတ္တကင်းစင်ပြီး ကိုယ်ကျင့်တရားကောင်းကြောင်းတွေ့ရှိရသည်။
မဟတ္တမဂန္ဒီ
အိန္ဒိယနိုင်ငံ၏ခေါင်းဆောင်ကြီးမဟတ္တမဂန္ဒီ ကွယ်လွန်အနိစ္စရောက်တော့ ကျန်သည့်ပစ္စည်း စာရင်းကိုဖော်ပြထားတာက (၁)မျက်မှန်တစ်လက် (၂)ဖောင်တိန်တစ်ချောင်း(၃)အိတ်ဆောင်နာရီတစ်လုံး (၄)ဒိုတီအ၀တ်နှစ်ထည်(၅)သောက်ရည်ခွက်တစ်ခွက်နှင့်ရေတကောင်းတစ်ခု (၆)ဗိုင်းငင်တဲ့ကိရိယာလေး တစ်ခု(၇)ပန်းကန်ပြားတစ်ချပ်တဲ့။ ဂန္ဒီကြီးဟာ အတ္တကင်းစင်တဲ့မျိုးချစ်ခေါင်းဆောင်ကြီးတစ်ဦးပါ။ ယနေ့ထိ တကမ္ဘာလုံးကလေးစားရတဲ့ ပုဂ္ဂိုလ်ကြီင်္းပါ။
အပ္ပဒူလာ ကာလမ်း
မကြာသေးခင်နှစ်များကမှ အငြိမ်းစားယူသွားခဲ့တဲ့အန္ဒိယနိုင်ငံ သမ္မတကြီးပါ။ သမ္မတရာထူး ကိုလက်ခံပြီးအိမ်တော်သို့ပြောင်းလာတဲ့အခါပါလာတဲ့ပစ္စည်းကသေတ္တာနှစ်လုံးပါ။ သမ္မတရာထူးသက်တမ်း ကုန်ပြီးအိမ်တော်က ဆင်းသွားတော့လည်းသေတ္တာနှစ်လုံးပဲ လက်ကဆွဲပြီး ဆင်းသွားပါတယ်။ တိုင်းပြည်နှင့်ပြည်သူအပေါ်ရိုးသားပြီးအတ္တ ကင်းစင်တဲ့ပုဂ္ဂိုလ်တစ်ဦးဆိုတာလက်တွေ့ပြသသွားပါတယ်။
အင်မတန်မှကြည်ညိုလေးစားဖွယ်ခေါင်းဆောင်တွေဖြစ်ပါတယ်။လူသေသော်လည်းနာမည် မသေသောပုဂ္ဂိုလ်တွေဖြစ်ကြပါတယ်။ အဂတိလိုက်စားပြီးအာဏာကို အလွဲသုံးစာလုပ်ဘဏ္ဍာငွေတွေကို ကိုယ်ကျိုးအတွက်ထင်သလိုသုံး၊ အကျင့်ပျက်ခြစားတဲ့ခေါင်းဆောင်တွေ အကြောင်းရေးမယ်ဆိုရင်တော့ ကုန်နိုင်မည်မထင်။ ဒါကြောင့်စာဖတ်သူသူများကိုသတိပေးချင်တာကသိက္ခာနှင့်ရိက္ခာကိုမလဲလှယ်ကြပါနဲ့။
“ကောင်းကင်ဘုံ၌ရှိတော်မူသောသင်တုိ့၏အဘဂုဏ်တော်ကိုချီးမွမ်းစေခြင်းငှာသူတပါး တို့ရှေ့၌သင်တို့၏ အလင်းကိုလင်းစေကြလော့” ဆိုတဲ့အတိုင်း ကိုယ်ကျင့်တရားသည် အလင်းဖြစ်တယ် လို့ဆိုပါရစေ။
စောရွှေမောင်(ဌက်ပျောတော)
No comments:
Post a Comment