လှူ ဒန်းတတ်ရန် သွန်သင်ခြင်းခံရသည့် အတိုင်း

               ကျွန်မငယ်စဉ်ကမကြာခဏ ကြားဖူးသည်မှာ ကျွန်မတို့၏ အဘိုးသည် ဆယ်ဘို့တစ်ဘို့နှင့် အဦးသီးကို ဘုရားအတွက် ပေးလှူသည်တဲ့။ ကျွန်မ အလုပ်ဝင်သည့်အခါ ကျွန်မဖခင်က ပထမဦးဆုံးရသည့် လစာကို အသင်းတော်သို့ အားလုံးပေးလှူ စေပြီး၊ ထိုလအတွက် စားသောက်ရန် ငွေပို့ပေးခဲ့ပါသည်။ ဆယ်ဘို့တစ်ဘို့ကို အမြဲပေးလှူ ရန် နှိုးဆော်ခဲ့ပါသည်။

                   တစ်နေ့ အသင်းတော်တစ်ပါး၏ ၀တ်ပြု ကိုးကွယ်ခြင်း ကြေညာချိန်တွင် ဆယ်ဘို့တစ်ဘို့ အလှူငွေကို အသင်းတော်သို့ မပေးဘဲ ဆောက်လုပ်ရေး အဆောက်အဦ သို့ ပေးလှူ ကြရန် အသင်းတော် ကောင်စီက ဆုံးဖြတ်ကြောင်း ပြောကြားလေသည်။ ကျွန်မစိတ်ထဲမှာ မကျေလည်ပါ။ အသင်းတော် အဆောက်အဦအတွက်သည် ကျန်ဆယ်ဘို့ ကိုးဘို့ထဲမှ ပေးလှူ ရမည်ဟု နားလည်ထားသော ကြောင့် ဖြစ်သည်။

                 ကျွန်မသည်လည်း အဖသင်းအုပ်ဆရာနှင့် ဆွေးနွေးပြောဆို သောအခါ ဆယ်ဘို့တစ်ဘို့ပင် မပေးလှူ ကြဘဲ အဆောက်အဦအတွက် ငွေလို၍ ဤသို့ဆုံးဖြတ်ရခြင်း ဖြစ်ကြောင်း ရှင်းပြပါသည်။ ထိုပြင် ကျမ်းကိုးစာအုပ်၌ ပါသော ဆယ်ဘို့တစ်ဘို့နှင့် ပတ်သက်သော ကျမ်းချက်များကို ထောက်ပြကာ ဆယ်ဘို့ တစ်ဘို့အလှူကို မည်သို့လှူ ဒန်းသင့်သည်ကို ရှဖွေရာ အဘအိမ်တော်၊ လေ၀ိ၊ မိဘမဲ့နှင့် မုဆိုးမများ၊ သီချင်း သည်များအတွက် ပေးလှူ ရန် ဖော်ပြထားကြောင်း သိရလေသည်။ ထိုပြင် ဆယ်ဘို့တစ်ဘို့မက လှူ ဒန်းရန် ကျမ်းစာက ပြောနေသကဲ့သို့ ခံစားရပါသည်။

အမေ

အခြေပြု ကျမ်း ။              ။ သုတ္တံ ၃၁း၁၀၊ ဧဖက် ၆း၁-၂

                ငယ်စဉ်က ကျောင်းနေစက သီဆိုနေကျ ကဗျာတစ်ပုဒ်မှာ .......

      “သားသားကြီးလာရင်  ဘာလုပ်မယ်

မိဘကျေးဇူး ပြန်ဆပ်မယ်

မိဘကျေးဇူး ဘယ်လောက်ကြီး

မြင့်မိုရ်တောင် လောက်ကြီး

မြင့်မိုရ်တောင် ဘယ်လောက်ကြီး

 ဟောဒီလောက်  ကြီး” ဟူ၍ဖြစ်သည်။

                သားသမီးများအတွက် မိဘနှစ်ပါး၏ ကျေးဇူးမေတ္တာသည် အလွန်ကြီးမားပေသည်။ မိသားစုတွင် သားသမီးများကို ကျွေးမွေးပြုစု စောင့်ရှောက်ရန် ဘုရာသခင်သည် အလွန်အဖိုးတန်သော မိဘသများကို ပေးထားသည်။

မိခင်၏မေတ္တာ

                မိခင်၏ပြုစု ပျိုးထောင်မှုကြောင့် ကြီးထွားလာရသူ အဖို့ မိခင်၏ကောင်းမြတ်မှု၊ ချစ်စရာ၊ လေးစား ဂုဏ်ယူစရာများကို စကားအားဖြင့် ပြောပြရန်နှင့် စာဖွဲ့ရေးသားဖော်ပြလျှင် ကုန်နိုင်မည် မဟုတ်ပါ။ အခြားအကြွေးများကို ဆပ်နိုင်သူက ဆပ်နိုင်မည်။ အမေ့ကျေးဇူးများကို ဆပ်၍ကုန်နိုင်မည် မဟုတ် ပါ။ လူအမျိုးမျိုး ရှိသကဲ့သို့ မိခင်များလည်း အမျိုးမျိုး ရှိကြသည်။ အချို့မိခင်များသည် ဘ၀၏ခက်ခဲမှု အခြေအနေအရ မိမိ၏ရင်သွေး ကလေးကို မွေးပြီးသည်နှင့် စွန့်ပစ်ခဲ့သည်များကို မိခင်မပီသသူ၊ မိခင်စိတ် မရှိသူများဟု အပြစ်တင်ကြလိမ့်မည်။ မည်သို့ပင်ဖြစ်စေ မိခင်တိုင်းသည် သားသမီးများအတွက် မွေးကျေးဇူး ရှင်များ ဖြစ်သည်။

အမေ

အမေဆိုတာ သားသမီးပြောတိုင်း ယုံတတ်တဲ့သူမျိုး ပါလားနော်  (မိခင်များနေ့ကို ဂုဏ်ပြု လျက်....)

သခင်ယေရှု၏ ကိုယ်ရည်ကိုယ်သွေး ၄

သခင်ယေရှု၏ ထူးခြားသောအမှုအရာနှင့် သွင်ပြင်လက္ခဏာများ

                   လူတစ်ဦးနှင့်စပ်ဆိုင်သော အရည်အသွေးတို့မှာ ထိုသူ၏ ထူးခြားသောအမူအရာနှင့် သွင်ပြင် လက္ခဏာ များတို့ပင်ဖြစ်သည်။ ၎င်းတို့မှာ စိတ်လှုပ်ရှားခြင်းနျင့်ဆိုင်သော အမူအရာများ၊ ကျင့်ဝတ် တရားနှင့်ဆိုင်သော အကျင့်စာရိတ္ထ များ၊ ထက်မြက်သောဥာဏ်ပညာနှင့် ပေါင်းသင်းဆက်ဆံမှုများ ဖြစ် သည်။ ခရစ်တော်သည် အလွန်စိတ်အား တက်ကြွသူတစ်ဦး ဖြစ်ပြီး အလွန်ဖြတ်လတ်သူတစ်ဦးလည်း ဖြစ် သည်။ ကိုယ်တော်၏ စိတ်လှုပ်ရှားမှုများနှင့်တကွ အပြောအဆိုတို့၌ လည်းကောင်း၊ ပြန်လည်ချေပ ပြော ဆိုခြင်းများ၌ လည်းကောင်း၊ ဥာဏ်ပညာ ထက်မြက်မှုကို များစွာ တွေ့ရသည်။

                    ဧကန်စင်စစ် သူသည် အလွန်ထူးခြား၍ မြင့်မားသော အဆင့်၌ ရပ်တည်လျက်ရှိသည်။ သခင်ယေရှု၏ ကိုယ်ရည်ကိုယ်သွေး နှင့်ဆိုင်၍ ဆန်းစစ်ရာတွင် အခက်အခဲ များစွာရှိသည်။ အဘယ်ကြောင့် ဆိုသော် ခရစ်တော်၏ ကိုယ်ရည်ကိုယ်သွေးနှင့် ဆိုင်၍ သခင်ယေရှု၏ နှုတ်ထွက်တော် စကားများမှလည်း အစဦး ခရစ်ယာန်များက မိမိတို့မှတ်မိ သတိရနိုင်သမျှ တစ်ဆင့်ပြီး တစ်ဆင့် ပြောကြား ချက်များဖြစ်သည့် အတွက်ကြောင့် သခင်ယေရှု၏ ကိုယ်ရည်ကိုယ်သွေးကို ဝေဖန်သုံးသပ်ရာတွင် အခက်အခဲ ရှိခြင်းဖြစ်သည်။ 

                 ကျွန်ုပ်တို့သည် ရှေးဦးခရစ်ယာန်များ မြတ်နိုးလှစွာ မှတ်သားထားသော ကိုယ်တော်၏နှုတ်ထွက် စကားများအားဖြင့်ကိုယ်တော်၏ အကျင့်စာရိတ္ထကို မှန်းဆနိုင်သည်။ ကိုယ်တော်၏ ကျင့်ဝတ်တရားနှင့် ဆိုင်သော ခွန်အား၊သတ္တိ၊ ဘာသာရေးနှင့်ဆိုင်သော ထိုးထွင်းအသိဥာဏ် နှင့် ကိုယ်တော်၏ ပင်ကိုယ်ဥာဏ်ကို နက်နဲစွာ သိမြင်နားလည်၍ လူအပေါင်းတို့အပေါ်၌ ထားရှိသော မေတ္တာ တော်သည် ယခုထက်တိုင် ထင်ရှားပေါ်လွင်လျက်ရှိသည်။ ကိုယ်တော်၌ သွက်လက်၍ ထူးခြားပေါ်လွင်သော အရည်အချင်း ရှိသည်။

သခင်ယေရှု၏ ကိုယ်ရည်ကိုယ်သွေး ၃

သခင်ယေရှု၏ ကိုယ်ရည်ကိုယ်သွေးနှင့် လူမှုပေါင်းသင်းဆက်ဆံမှု

လူမှုပေါင်းသင်းဆက်ဆံမှု

               လူမှုပေါင်းသင်းဆက်ဆံမှုနှင့်ပတ်သက်၍ သခင်ယေရှု၏ အစအဦး အသက်တာသည် လူအမျိုးမျိုး၊ အဆင့်အတန်းအမျိုးမျိုးနှင့် ထိတွေ့ပေါင်းသင်းခြင်း ရှိနိုင်တာကို ကျွန်ုပ်တို့မငြင်း နိုင်ပါ။ သခင်ယေရှု၏ အသက်ရှင်ကြီးထွားခဲ့ရသည့် လူမှုပတ်ဝန်းကျင်တွင် နေ့စဉ်အသက်မွေးဝမ်းကျောင်း လုပ်ငန်းနှင့်ဆိုင်၍ လူမှုရေး လုပ်ငန်းတွင် လူတိုင်းနှင့် ထိတွေ့ဆက်ဆံလျက်ရှိပေမည်။ အိမ်ထောင်မိသားစု ညီအစ်ကို မောင်နှမများနှင့် သာမက နာဇရက်မြို့ ပတ်ဝန်းကျင်နေရာ များ၊ ပါလတိနပြည်အတွင်းရှိ လူမှုရေး နယ်ပယ်အထိ ကျယ်ပြန့်စွာ လူမှုရေး ပေါင်းသင်းဆက်ဆံမှု အတွေ့အကြုံကို ရရှိသူဟူ၍ တိုးချဲ့ စဉ်းစားနိုင်သည်။ 

               ထိုကြောင့် အသက်(၁၂)နှစ် နှင့် (၃၀)နျစ်အကြား နှစ်များတွင် သခင်ယေရှု မည်သို့အသက်ရှင် နေထိုင်သွားလာ လှုပ်ရှားနေသနည်း ဟူသော မေးခွန်းအပေါ်၌ ကျွန်ုပ်တို့ သတိထား ဆင်ခြင်နိုင်သည့် အချက်မှာ သခင်ယေရှု၏ လူမှုရေးအတွေ့အကြုံ သည် နာဇရက်မြို့သား ယေရှုအဖြစ် နာဇရက်မြို့ ၌သာ လူမှုရေးအတွေ့အကြုံ ရှိသူ ဟူ၍ တစ်ထစ်ချ မှတ်ယူ၍မရပေ။ ပါလတိနပြည် အတွင်းရှိ လူမှုပေါင်းသင်းဆက်ဆံရေး နယ်ပယ်အထိ ကိုယ်တော်သည် အတွေ့အကြုံ ရှိနိုင်ကြောင်း ကျယ်ကျယ်ပြန့်ပြန့် စဉ်းစားရမည်။

                     အများအားဖြင့် သခင်ယေရှုကို နာဇရက်မြို့သား ယေရှုဟူ၍ ကျွန်ုပ်တို့ ခေါ်ဝေါ်ကြသည်။ ဤသို့ခေါ်ဝေါ်ရာတွင် နာဇရက်မြို့သားသည် တောတောင်များနှင့် ဖုံးကွယ်၍ တောတောင်များနောက်တွင် မထင်မရှား တည်ရှိသောနေရာ အဖြစ်သတ်မှတ်ပြီး သခင်ယေရှုကိုလည်း ထိုသို့သတ်မှတ်ထားသည့် နေရာ၌သာ တိုးတက်ကြီးထွား အသက်ရှင်သူဟူ၍ စဉ်းစားမိတတ်သည်။ အမှန်စင်စစ် နာဇရက်မြို့သည် ပတ်ဝန်းကျင်အရပ်ဒေသများနှင့် လမ်းပန်းဆက်သွယ်ရေး လွယ်ကူပြီး ပတ်ဝန်းကျင်ရှိ မြို့ရွာ များနှင့် အဆက်အသွယ်ရှိသော မြို့ဖြစ်သည် ဟူ၍ကား မစဉ်းစားမိကြပေ။ နာဇရက် မြို့သည် ဂါလိလဲပြည်နယ်တွင် အကြီးဆုံးမြို့ ဖြစ်သည်။ ရှက်ဖောရိ (Seppharis) နှင့် နာရီပိုင်းအတွင်း ခြေလျင်ခရီးဖြင့် ရောက်ရှိနိုင်ပြီး ဂါလိလဲနယ်မှ သြဒနယ်သို့ သွားရာလမ်းပေါ်၌ ရှိသော ယေဖက်မှ နာရီဝက်အတွင်း ရှက်ဖောရိမြို့သို့ ရောက်ရှိနိုင်သည်။ ထိုကြောင့် နာဇရက်မြို့သည် ပတ်ဝန်းကျင်ရှိ မြို့ရွာများသို့ လွယ်လွယ်ကူကူ သွားလာနိုင်သည်ကို တွေ့ရသည်။

သခင်ယေရှု၏ ကိုယ်ရည်ကိုယ်သွေး ၂

သခင်ယေရှု၏ မိသားစုအသက်တာနှင့် လူမှုရေးအသိုက်အ၀န်း

                    သခင်ယေရှုသည် ဗက်လင်မြို့တွင် ဖွားမြင်၍ နာဇရက်မြို့၌ ကြီးပြင်းလာသည်ကို ရှင်မဿဲ နှင့် ရှင်လုကာ ကျမ်းများတွင်ဖော်ပြ ထားသော်လည်း ရှင်မာကု ကမူ သခင်ယေရှုရဲ့ရှေးဦးပိုင်း အသက်တာအကြောင်း ဖော်ပြထားခြင်း မရှိဘဲ အရွယ်ရောက်သည့် အချိန်မှစ၍ ဖော်ပြခဲ့သည်။ ယနေ့ လူအများ စိတ်ဝင်တစ်စား ဖြစ်နေသည့် သခင်ယေရှု၏ သဘောထား၊ ရုပ်သွင်ပြင်နှင့် ဘ၀အကြောင်း အတော် များများကို ခရစ်ဝင်ကျမ်းများက ချန်လှပ်ခဲ့ပါသည်။ သခင်ယေရှု၏ ငယ်စဉ်တောင်ကျေး ကလေးဘ၀နှင့် အိမ်နေအသက်တာကို စိတ်ဝင်စားမှုမရှိ (သို့) အနည်းအကျဉ်းမျှသာ ဖော်ပြထားသည်။ ထိုပြင် သခင်ယေရှု၏ ပတ်ဝန်းကျင် အသိုက်အ၀န်း အခြေအနေများကိုလည်း ဖော်ပြထားခြင်းမရှိပေ။ ထိုကြောင့် သခင်ယေရှုအသက်ရှင်ခဲ့ချိန် အခြေအနေများကို ပြန်၍ လေ့လာသုံးသပ်ခြင်းသည် သာလျှင် သခင်ယေရှု၏ ဘ၀အသက်တာကို ခန့်မှန်းပုံဖော်ရန် အထောက်အကူ ပြုပေမည်။ ထိုခေတ် အခါက စာပေ အထောက်အထားများနှင့် သုတေသနပြု လေ့လာသည့်အခါ ခရစ်သက္ကရာဇ် ပထမရာစု နှစ်များတွင် ယုဒလူမျိုးများ အကြောင်း ပိုမိုသိနားလည် လာရသည်။

                    ထိုအထောက်အထားများမှ လေ့လာတွေ့ရှိသော မိသားစု၊ ပညာရေး၊ နေ့စဉ်အသက်တာ နှင့် စရိုက်များ၊ ယုဒလူမျိုးများ၏ ဘာသာရေးအဖွဲ့အစည်း (အဖွဲ့အစည်း Institutions၊ ဂိုဏ်ဂဏ သင်းကွဲအုပ်စုများ Sects ) ၊ နိုင်ငံရေးနှင့် စီးပွါးရေး၊ လူမှုရေးအဖွဲ့အစည်းများ၊ အစိုးရနှင့် ဗိမ္မာန်တော်၌ ပေးရသော အခွန်ငွေ၊ စသည်တို့သည် ပါလတိနပြည်၏ အခြေအနေကို တစ်စိတ် တစ်ဒေသ ဖော်ပြခြင်း ဖြစ်၍ အထွေထွေ ဗဟုသုတ အနေဖြင့် သိနားလည်လာရသည့်အပြင် ထိုအသိ ပညာမှတစ်ဆင့် သခင်ယေရှု၏ အသက်တာနှင့် ပတ်ဝန်းကျင် အသိုက်အ၀န်းကို ဆက်စပ် လေ့လာနိုင်ပေ သည်။ သို့သော် သခင်ယေရှုအကြောင်းကို ပြည်စုံအောင်ဖော်ပြ နိုင်ရန် လုံလောက်သော အချက်အလက် များကား မဟုတ်ပေ။

သခင်ယေရှု၏ ကိုယ်ရည်ကိုယ်သွေး ၁

သခင်ယေရှု၏ ပင်ကိုယ်အရည်အသွေး

                ပင်ကိုယ်အရည်အသွေး ဟူသော ဝေါဟာရသည် အင်္ဂလိပ်စကားလုံးမှအဓိပ္ပာယ် ဖွင့်ဆိုခြင်း ဖြစ်သည်။ ပင်ကိုယ်အရည်အသွေး ဆိုသည့် အဓိပ္ပာယ်မှာ လူပုဂ္ဂိုလ် တစ်ဦး၏ ကိုယ်ပိုင်အရည် အသွေးအားလုံးကို ဆိုလိုခြင်းဖြစ်သည်။ ကိုယ်ပိုင်အရည်အသွေးဆိုရာ၌ လူတိုင်းပင်ကိုယ် အသိဥာဏ်၊ စိတ် ကူးလှုပ်ဆော်မှု၊ စိတ်လှုပ်ရှားမှု၊ အကျင့်လက္ခဏာနှင့် လူမှုပတ်ဝန်းကျင်နှင့် ပေါင်းသင်းဆက်ဆံ မှုများ အားလုံးကို ခြံငုံ၍ ဆိုလိုခြင်းဖြစ်သည်။ ထိုကြောင့် လူပုဂ္ဂိုလ် တစ်ဦးတွင် သူ၏ကိုယ်ပိုင်အရည်အသွေး များသည် အခြားပုဂ္ဂိုလ် တစ်ဦးနှင့် လုံးဝမတူ တမူထူးခြားလျက်၊ သီးခြားပိုင်ဆိုင်လျက် ရှိသည်ကို တွေ့ရသည်။

      လူပုဂ္ဂိုလ်တစ်ဦး ၏ ပင်ကိုယ် အရည်အသွေးများသည် (အထူး သဖြင့်) လူမှုပတ်ဝန်း ကျင် နှင့် ပေါင်းသင်းဆက်ဆံရတွင် ထင်ရှားစွာပြလာတတ်သည် ကို တွေ့ရသည်။ ထိုကြောင့် လူတိုင်း၏ ပင်ကိုယ်အရည်အသွေးကို ကြိုတင် ထင်ရှားစွာသိမြင်လိုလျှင် ထိုပုဂ္ဂိုလ် ကိုယ်တိုင်ပါဝင်လျက် အသက်ရှင်သော လူမှု ပေါင်းသင်းဆက်ဆံရေး အသက်တာကို ကြည့်ခြင်းအားဖြင့် သိရှိနားလည်နိုင်သည်။ ဥပမာပြောရရင် လူတစ်ဦးဦး၏ ပင်ကိုယ်အရည်အသွေးဖြစ်သည့် အသိဥာဏ်၊ စိတ်နေသဘောထား၊ အကျင့်လက္ခဏာ ရပ်များသည် လူအချင်းချင်းပေါင်းသင်း ဆက်ဆံရာတွင် ပတ်ဝန်းကျင် လူ့အဖွဲ့အစည်း၏ တုံ့ပြန်မှုများပေါ်ပေါက်လာသည်။ ထိုတုံ့ပြန်မှုများမှာ လူအချင်းချင်း စိတ်ဝင်စားမှု၊ လူအချင်းချင်း တိုက်ခိုက်မှု၊ မနှစ်သက်ဖွယ်ဖြစ်မှု၊ လူအချင်းချင်းဥပေက္ခာပြုခြင်း၊ ဂရုမစိုက်ခြင်း အစရှိသော တုံပြန်မှုများ ပင်ဖြစ်သည်။ လူပုဂ္ဂိုလ်အချို့သည် မိမိစိတ်တွင်း၌ ရှိသော သဘောထားများကို လူ့ပတ်ဝန်းကျင်နှင့် ဆက်ဆံရာတွင် ပွင့်ပွင့်လင်းလင်းပြောဆိုလျက် သက်ရှင်လှုပ်ရှားတတ်သည်။ အချို့မှာမူ အုံ့ပုံးစိတ် ဟု ခေါ်သော မိမိစိတ်တွင်း၌ရှီသော စိတ်သဘောထားကို ပွင့်ပွင့်လင်းလင်း ပြောဆိုဆက်ဆံခြင်း မရှိ။ အတွင်းစိတ်၌ မြိုသိမ့်ပြီး လူမှုပတ်ဝန်းကျင်နှင့် တတ်နိုင်သမျှ ဝေးဝေးရှောင်လျက် အသက်ရှင် နေထိုင် လှုပ်ရှားမှုပြုတတ်သည်။ အများအားဖြင့် လူသားဖြစ်သော ကျွန်ုပ်တို့၏အသက်ရှင် မှုသည် အထက်ဖော်ပြပါ ပွင့်လင်းသောစိတ်နှင့် အုံ့ပုံးစိတ် နှစ်ခုစလုံးကို ပိုင်ဆိုင်လျက် ပတ်ဝန်းကျင်နှင့် ပေါင်းသင်းဆက်ဆံ အသက် ရှင်တတ်သည်ကို တွေ့ရသည်။